ફ્રાન્સમાં વિમાન દુર્ઘટનામાં 5 લોકોના મોત નીપજ્યા હોવાના સમાચાર મળી રહ્યા છે. અહીં એક યાત્રી વિમાનની ટક્કર માઈક્રોલાઈટ વિમાન સાથે થઈ હતી. આ ઘટના શનિવારે સાંજે 4.30 વાગે પશ્ચિમ ફ્રાન્સમાં થઈ હતી. મળતી માહિતી અનુસાર માઈક્રોલાઈટ પ્લેનમાં 2 વ્યક્તિઓ સવાર હતા. તે વિમાન DA40 યાત્રી વિમાન સાથે અથડાયું હતું. યાત્રી વિમાનમાં 3 લોકો સવાર હતા.
ફ્રાન્સમાં બની વિમાન દુર્ઘટના
2 વિમાનની ટક્કર થતાં બની ઘટના
5 લોકોના નીપજ્યા મોત
વિમાનની આગ બુઝાવવાની કોશિશ ચાલુ
માઈક્રોલાઈટ પ્લેન એક ઘરની પાસે લેન્ડ થયું જ્યારે અન્ય યાત્રી વિમાન રહેવાસી વિસ્તારથી દૂર લેન્ડ થયું હતું. રાહતની વાત એ છે કે જે ઘરની પાસે માઈક્રોલાઈટ પ્લેન ક્રેશ થયું ત્યાં વિમાનમાં 2 લોકોના મોત સિવાય અન્ય કોઈ જાનહાનિના સમાચાર નથી. ઘટના બાદ લગભગ 50 ફાયર ફાઈટર્સ પહોંચ્યા હતા અને વિમાનની આગને બુઝાવવાની કોશિશ કરી હતી. અનેક કલાકો બાદ આગ પર કાબૂ મેળવી શકાયો હતો.
જો કે હજુ સુધી દુર્ઘટનામાં જે લોકોના મોત થયા છે તેમની ઓળખ થઈ શકી નથી. પોલીસનું કહેવું છે કે આ ક્રેશની તપાસ ચાલુ છે. જાણકારી અનુસાર ટ્રાવેલર પ્લેન પોયટાયર્સ શહેરથી ઉડાન ભર્યા બાદ દુર્ઘટનાગ્રસ્ત થયું હતું., વિમાન લોશેથી લગભગ 62 મીલની દૂરી પર દુર્ઘટનાગ્રસ્ત થયું છે.