સફળતા / ફી ભરવાના પૈસા નહોતા તો પિતાએ વેચી ખેતીની જમીન, દીકરી બની સૌથી નાની વયની પાયલટ

• ભારતની સૌથી નાની ઉંંમરની પાયલટ
• પિતાએ દીકરીનું સ્વપ્ન પૂર્ણ કરવા વેચી જમીન
• અમેરિકામાં ટ્રેનિંગ લઇને બની પાયલટ

ગુજરાતના સુરતમાં રહેતા એક ખેડૂત પરિવારમાંથી આવતી 19 વર્ષીય દીકરી પાયલટ બબની ગઇ છે. પોતાની એકમાત્ર દીકરીને પાયલટ બનાવવા માટે જ્યારે કોઇ સરકારી બેન્કથી લોન ન મળી ત્યારે પિતાએ પોતાની ખેતી વેચીને તેના સપનાને પાંખો આપી. 

અમેરિકામાં લીધી ટ્રેનિંગ

સુરતની મૈત્રી પટેલ અમેરિકાથી પાયલટ બનીને પરત ફરી છે. આટલી ઓછી ઉંમરમાં પાયલટ બનવાથી તેના માતા પિતા પણ ખુબ ખુશ છે. મૈત્રીના પિતા કાંતિભાઇ અને માતા રેખા પટેલે પોતાની દીકરીનું સપનું પુરુ કરવા માટે પોતાની જમીન પણ વેચી દીધી હતી. 

12 ધોરણ બાદ ગઇ અમેરિકા

12મા ધોરણમાં અભ્યાસ કરીને મૈત્રી અમેરિકા ગઇ અને માત્ર 11 મહિનાની અંદર જ ટ્રેનિંગ પતાવીને કમર્શિયલ પાયલટનું લાઇસન્સ હાંસક કર્યુ હતુ. મૈત્રીએ કહ્યું કે 8 વર્ષની હતી ત્યારે જ તેણે નક્કી કરી લીધું હતું કે તે પાયલટ બનશે. આ સપનું 19 વર્ષની ઉંમરમાં જ પૂરુ કરી લીધુ હતુ. મૈત્રી હવે આગળ કેપ્ટન બનવા માંગે છે. 

જમીન વેચીને ભરી દીકરીની ફી

એક સમયે જ્યારે મૈત્રીના પિતાએ બેન્ક પાસેથી લોન લેવાનો પ્રયત્ન કર્યો ત્યારે કોઇ બેન્ક પાસેથી લોન મળી નહોતી. છેલ્લે તેમણે પોતાની વરસો જૂની જમીન વેચીને દીકરીની ફી ભરી હતી. સામાન્ય રીતે કમર્શિયલ વિમાન ઉડાવવાની ટ્રેનિંગ 18 મહિનામાં પુરી થાય છે પરંતુ મૈત્રીએ આ ટ્રેનિંગ માત્ર 11 મહિનામાં જ પુરી કરી લીધી હતી. મૈત્રી પટેલને કમર્શિયલ વિમાન ઉડાવવા માટેનું લાયસન્સ મળી ગયું છે. ભારતમાં વિમાન ઉડાવવા માટે અહીના નિયમ હેઠળ ટ્રેનિંગ લઇને લાયસન્સ લેવું પડશે.