વિડીયોમાં રાખી સાવંતની રિયલ લાઈફની ઝલક જોવા મળે છે જેમ કે તેને કેવી રીતે કાર ગિફ્ટમાં મળી? તેઓના લગ્ન કેવી રીતે થયા? તેની સાથે કેવી રીતે દગો થયો અને તેની માતાનું મૃત્યુ કેવી રીતે થયું.
રાખી સાવંતના લેટેસ્ટ મ્યુઝિક વિડિયોને કારણે લાઈમલાઈટમાં આવી
સોંગના લોન્ચિંગ ઈવેન્ટમાં રાખી સાવંત રડી પડી
રાખી સાવંતનો રડવાનો વીડિયો થયો વાયરલ
બોલિવૂડની ડ્રામા ક્વીન રાખી સાવંત અવારનવાર લાઈમલાઈટમાં રહે છે. થોડા સમય પહેલા રાખી તેના અંગત જીવન માટે હેડલાઇન્સમાં આવી હતી. ફરી એકવાર તેને મીડિયા અને લોકોનું ધ્યાન ખેંચ્યું છે. જણાવી દઈએ કે હાલ જ રાખી સાવંતના લેટેસ્ટ મ્યુઝિક વિડિયો 'જુઠા' ને કારણે તે લાઈમલાઈટમાં આવી છે.
નોંધનીય છે કે એ વિડીયોમાં રાખી સાવંતની રિયલ લાઈફની ઝલક જોવા મળે છે જેમ કે તેને કેવી રીતે કાર ગિફ્ટમાં મળી? તેઓના લગ્ન કેવી રીતે થયા? તેની સાથે કેવી રીતે દગો થયો અને તેની માતાનું મૃત્યુ કેવી રીતે થયું. આ વીડિયોમાં તમામ બાબતો આવરી લેવામાં આવી છે. એવામાં આ સોંગના લોન્ચિંગ ઈવેન્ટમાં રાખી સાવંત એ જૂના સમયને યાદ કરીને ભાવુક થઈ ગઈ હઈ. જણાવી દઈએ કે ગીત લૉન્ચ થયા બાદ રાખી ટ્રોલ થઈ હતી અને એ કારણે તે રડી પડી હતી.
રાખી સાવંતનો વીડિયો થયો વાયરલ
વાઈરલ થઈ રહેલા રાખી સાવંતના વીડિયોમાં તે રડતા રડતા કહે છે- લોકો કહે છે કે રાખી સાવંતને કોણ દગો આપશે, રાખી સાવંત સાથે શું ખોટું થઈ શકે છે, શું હું માણસ નથી? શું હું સ્ત્રી નથી? શું મારી પાસે દિલ નથી? શું હું સેટ થવાનું સપનું ન જોઈ શકું?'
ઈન્સ્ટાગ્રામ પર ગીતનું પોસ્ટર શેર કરતા રાખી સાવંતે લખ્યું- 'એક વાત જે તમે છુપાવી શકતા નથી, એ છે જ્યારે તમે અંદરથી અપંગ થઈ જાઓ છો.' મ્યુઝિક વિડિયોની શરૂઆતમાં બતાવવામાં આવે છે કે રાખીનું જીવન થોડા અઠવાડિયામાં કેવી રીતે બદલાઈ જાય છે. આ સાથે જ ગીત શરૂ થાય તે પહેલા રાખી બાથટબમાં ડૂબતી જોવા મળે છે. આગળ સ્ટોરી વધે છે જેમાં બતાવવામાં આવ્યું છે કે કેવી રીતે એક ચાહક જે તેને સ્ટુડિયોમાં પરફોર્મ કરતા જુએ છે, તેને એક કાર ભેટમાં આપે છે અને બંને લગ્ન કરે છે. જે બાદ આખા ગીત દરમિયાન ચાહક તેની છેતરપિંડીને ઢાંકતા જોવા મળે છે, જ્યાં સુધી તે પકડાઈ ન જાય. ગીત દરમિયાન એ પણ બતાવવામાં આવ્યું છે કે કેવી રીતે તેની માતાનું મૃત્યુ થાય છે અને જ્યારે તે ઘરે પરત ફરે છે ત્યારે તે તેના પતિને અન્ય સ્ત્રી સાથે જુએ છે.