IPL / ‘મેદાનમાં પહોંચ્યા ત્યારે વિરાટભાઈએ કહ્યું હતુંઃ મિયાં, રેડી હો જાઓ...’

એમાં સૌથી મોટો હાથ RCBના ફાસ્ટ બોલર મોહંમદ સિરાજનો રહ્યો, જેણે શરૂઆતમાં જ કોલકાતાના બેટિંગની કમર તોડી નાખી. 

સિરાજની કાતિલ બોલિંગથી RCBએ KKR ટીમને ૮૪ રનના સ્કોર પર અટકાવી દીધી. RCBએ ૧૩.૩ ઓવરમાં જ લક્ષ્ય હાંસલ કરીને મેચ આઠ વિકેટે જીતી લીધી. મેન ઓફ ધ મેચ સિરાજે ચાર ઓવરમાં બે મેઇડન સાથે આઠ રન આપીને ત્રણ વિકેટ ઝડપી.

ગઈ કાલે મેચ પૂરી થયા બાદ સિરાજે જણાવ્યું, ''વિરાટભાઈનો આભાર કે જેમણે મને નવો બોલ સોંપ્યો. મેં નવા બોલથી ઘણી પ્રેક્ટિસ કરી હતી. અમે જ્યારે મેદાન પર પહોંચ્યા ત્યારે વિરાટભાઈએ કહ્યું હતુંઃ મિયાં, રેડી હો જાઓ.'

કેપ્ટન કોહલીએ પણ સિરાજની પ્રશંસા કરતાં કહ્યું, ''સિરાજ માટે ગત વર્ષ મુશ્કેલ રહ્યું હતું અને તેની ઘણી ટીકા થઈ હતી. આ વખતે તેણે સખત મહેનત કરી છે અને તે નેટ્સ પર સારી બોલિંગ કરી રહ્યો છે. હવે તેની મહેનતનું પરિણામ જવા મળી રહ્યું છે.