મહીસાગરમાં વાઘ દેખાવવાને મામલે આવ્યો નવો વળાંક વનવિભાગની તપાસ ચાલુ

મહીસાગરના જંગલમાં વાઘ કેદ થયો હતો. આ વાઘ નહીં પરંતુ વાઘણ હોવાનું વનવિભાગ દ્વારા અનુમાન લગાવવામાં આવી રહ્યુ છે. હાલમાં વનવિભાગ દ્વારા સ્પષ્ટિકરણ કરવામાં આવ્યું નથી. આ વાઘ 7થી 8 વર્ષની ઉંમરનું હોવાનુ અનુમાન લગાવવામાં આવી રહ્યુ છે.

 આ મામલે વનવિભાગ દ્વારા વધુ ચકાસણી કર્યા બાદ કોઈ પ્રતિક્રિયા આપવામાં આવશે. મહત્વનુ છે કે પંચમહાલ જિલ્લાની હદ પર આવેલા પાનમ ડેમ પાસેના ગઢગામમાં જંગલ વિસ્તારના રસ્તાઓ પર એક શિક્ષકે વાઘનો ફોટો પાડ્યો હતો. 

વાઘ દેખાવાની વાત વહેતી થતા જે જગ્યાએ વાઘ દેખાયો હતો ત્યાં વન વિભાગની ટીમે તપાસ કરી હતી. જો કે વન વિભાગ દ્વારા તેની પુષ્ટિ કરવામાં આવી ન હતી. ત્યારે હવે વનવિભાગના નાઈટ વીઝન કેમેરામાં વાઘ દેખાતા પુષ્ટિ થઈ છે.

મહિસાગર જિલ્લાના જંગલમાં 3 દિવસ પહેલા વાઘ દેખાયાના પુરાવા મળી આવ્યા હતા. વન વિભાગે અલગ અલગ પાંચ ટીમો બનાવીને તપાસ હાથ ધરી. ત્યારે હવે નાઈટ વીઝન કેમેરામાં વાઘ દેખાયો. સંતરામપુરના સંતના જંગલમાં વાઘ દેખાયો છે.

મહત્વનુ છે કે મહિસાગર પંચમહાલ જિલ્લાની હદ પર આવેલા પાનમ ડેમ પાસેના ગઢગામમાં જંગલ વિસ્તારના રસ્તાઓ પર એક શિક્ષકે આ વાઘનો ફોટો પાડ્યો હતો. મહેશભાઈ મેરા નામના આ શિક્ષક લુણાવાડા તાલુકાના પ્રાથમિક શાળામાં શિક્ષક સાંજના સમયે પસાર થઈ રહ્યા હતા ત્યારે જોગણી માતાના મંદિર પાસે વાઘ રસ્તો ક્રોસ કરતા દેખાયો હતો.

50 વર્ષ પહેલા ગુજરાતમાં વાઘનો હતો વસવાટ
એક જમાનામાં ગુજરાતમાં વાઘ હોવાની વાતો હતી. ગુજરાતમાં 27 વર્ષ પહેલા ડાંગમાં વાઘ દેખાયો હતો ત્યાર બાદ આવરનવાર આદિવાસી પટ્ટામાં વાઘ દેખાયાની વાતો ચાલતી હતી. 50 વર્ષ પહેલા ગુજરાતમાં વાઘ વસવાટ કરતા હતા.

વિજયનગરથી લઈને ડાંગ સુધી વાઘ વસવાટ કરતા હતા. ઈડરનાં જંગલોમાં વાઘ દેખાયાની વારંવાર વાતો સામે આવતી હતી. એકમાત્ર રાજ્ય જ્યાં એક સમયે ચિત્તા વાઘ સિંહ અને દીપડા વસાવાટ કરતા હતા. હાલમાં ગુજરાતમાં સિંહ અને દિપડા જ જંગલોમાં વસવાટ કરે છે. ત્યારે હવે આ વાત કેટલી સાચી તે વન વિભાગની તપાસ બાદ સામે આવશે.