મહીસાગર / લુણાવાડા-મોડાસા હાઇવે પર ગમખ્વાર અકસ્માત, ટ્રક પલટી જતાં 8 વાહનો વચ્ચે થઇ ટક્કર

• મહીસાગરના લુણાવાડા-મોડાસા હાઈવે પર અકસ્માત
• 8 વાહનો વચ્ચે એક સાથે થયો ગમખ્વાર અકસ્માત
• ઘટનામાં એક વ્યક્તિનું મોત, 7થી વધુ લોકો ઇજાગ્રસ્ત

પ્રાપ્ત મળતી વિગત અનુસાર મહીસાગરના લુણાવાડા-મોડાસા હાઇવે પર એક સાથે આઠ વાહનો એકબીજા સાથે અથડાયેલા જોવા મળ્યાં. જેમાં એકનું મોત નિપજ્યું છે, જ્યારે અન્ય સાતથી વધુ લોકોને ઇજા પહોંચી છે. 
 

મહીસાગરના લુણાવાડા-મોડાસા હાઇવે પરથી પસાર થઇ રહેલ ટ્રક પલ્ટી જતાં બે બાઇક, ત્રણ ટ્રક અને ત્રણ કાર વચ્ચે અકસ્માત સર્જાયો છે. આ અકસ્માતમાં એકનું મોત થયું છે. 

લુણાવાડા-મોડાસા હાઇવે પર ટ્રક પલ્ટી જતાં કુલ 8 વાહનો વચ્ચે એક સાથે ગમખ્વાર અકસ્માત સર્જાયેલો જોવા મળ્યો. આ અકસ્માતમાં એક વ્યક્તિનું મોત થયું છે.

જો કે અકસ્માત સર્જાતાં ટ્રકની નીચે 7 લોકો દબાયા હતા જેને ફાયર બ્રિગેડ દ્વારા બચાવી લેવામાં આવ્યાં હતા. આ અકસ્માતની જાણ થતાં પ્રાંત અધિકારી, ડીવાયએસપી સહિતના અધિકારીઓ ઘટનાસ્થળે પહોંચી ગયા છે.