સોશિયલ મીડિયાનો લોકપ્રિય ચહેરો બનેલી પાકિસ્તાની અભિનેત્રી માહિરા ખાને તેના લેટેસ્ટ ફોટોશૂટ અને વીડિયો શેર કર્યાં છે.
પાકિસ્તાની અભિનેત્રી માહિરા ખાન સોશિયલ મીડિયાનો લોકપ્રિય ચહેરો
માહિરા ખાને લેટેસ્ટ ફોટોશૂટના વીડિયો અને તસવીરો શેર કરી
લોકો બોલ્યાં, ક્યારેય હિંદુસ્તાન પણ આવજો
પાકિસ્તાની અભિનેત્રી માહિરા ખાન સોશિયલ મીડિયા પર એક લોકપ્રિય ચહેરો છે.તે પોતાના સોશિયલ મીડિયા એકાઉન્ટ પર પોતાના જીવન અને જીવનશૈલી સાથે જોડાયેલી ઘણી ખાસ પળો શેર કરે છે.હવે તેણે પોતાના એક લેટેસ્ટ ફોટોશૂટના કેટલાક વીડિયો અને તસવીરો શેર કરી છે.આ તસવીરોમાં તેનો ગ્લેમરસ અંદાજ ફેન્સને ખુબ જ પસંદ આવી રહ્યો છે.એક ફેને તેને ભારત આવવા માટે આમંત્રણ આપ્યું છે. એ સમજી શકાય છે કે માહિરની ફેન ફોલોઇંગ આખી દુનિયામાં કમાલની છે.
કોણ છે પાકિસ્તાની અભિનેત્રી માહિરાખાન
પાકિસ્તાનની જાણીતી અભિનેત્રી માહિરા ખાનનો જન્મ 21 ડિસેમ્બર, 1984ના રોજ કરાચીમાં થયો હતો. તેમના પિતા હાફિઝ ખાનનો જન્મ દિલ્હીમાં થયો હતો, જેઓ ભાગલા બાદ પાકિસ્તાન સ્થળાંતર કરી ગયા હતા. માહિરા ખાન ૧૭ વર્ષની ઉંમરે ઉચ્ચ શિક્ષણ માટે યુ.એસ.ના કેલિફોર્નિયા ગયા હતા. તેમણે યુનિવર્સિટી ઓફ કેલિફોર્નિયામાં અંગ્રેજી સાહિત્યમાં એડમિશન લીધું હતું, પરંતુ એક વર્ષ બાદ અભ્યાસ છોડીને અભિનેત્રી બની હતી.
માહિરા ખાન પાકિસ્તાની નાટક 'હમસફર'માં તેની ભૂમિકા માટે જાણીતી છે. તેણે 2006 માં વીજે તરીકેની કારકિર્દીની શરૂઆત કરી હતી. તેણે આતિફ અસલમની સામે 'બોલ (2011)'થી અભિનયની શરૂઆત કરી હતી. પોતાના અંગત જીવનની વાત કરીએ તો તેણે 2007માં અલી અસ્કરી સાથે લગ્ન કર્યા હતા અને તેમને એક પુત્ર પણ છે. બંનેએ 2015માં છૂટાછેડા લીધા હતા.