બમ્પર બુકિંગ / Mahindra ની આ કારે લોન્ચ થતાં જ માર્કેટમાં મચાવી ધૂમ, 57 મિનિટમાં જુઓ કેટલા લોકોએ કરાવ્યું બુકિંગ

• નવી એસયુવી મહિન્દ્રા એક્સયુવી 700ના બુકિંગનો 7 ઓક્ટોબરથી પ્રારંભ
• સરેરાશ 57 મિનિટની અંદર 25,000 બુકિંગ મળ્યું
• શુક્રવારે સવારે ફરીથી નવી કિંમતની સાથે બુકિંગ રીઓપન થશે

શુક્રવારે ફરીથી બુકિંગ રીઓપન થશે

કંપનીએ ગત 1 ઓક્ટોબરથી ડીલરશિપમાં આ એસયુવીનું પ્રિવ્યુ કરવાની સુવિધા શરૂ કરી છે. જો તમારે આજે બુકિંગ કરવાનુ રહી ગયુ છે તો તમે 8 ઓક્ટોબરે બુકિંગ કરાવી શકો છો. કંપની પોતાની સત્તાવાર વેબસાઈટ પર માહિતી આપતા કહ્યું છે કે શુક્રવારે સવારે 10 વાગ્યે ફરીથી નવી કિંમતની સાથે બુકિંગ રીઓપન થશે.

ક્યારે થશે ડિલીવરી

દિગ્ગજ કંપની પોતાની નવી મહિન્દ્રા એક્સયુવી 700 એસયુવીની ડિલીવરી 10 ઓક્ટોબરથી શરુ કરવા જઇ રહી છે. ઉલ્લેખનીય છે કે, ડીઝલ વેરિએન્ટ પહેલાં પેટ્રોલ વેરિએન્ટની ડિલીવરી શરૂ કરવામાં આવશે.

બે નવા વેરિએન્ટ પણ રજૂ કર્યા

મહિન્દ્રાએ આ નવી એસયુવીના બે નવા વેરિએન્ટ પણ રજૂ કર્યા છે. કંપની મુજબ, ડીઝલ એન્જિનની સાથે મેન્યુઅલ અને ઓટોમેટિક બંને ટ્રાન્મિશનમાં ઉપલબ્ધ રહેશે. 7 બેઠકોવાળા બે નવા એડિશન- AX7 Luxury – MT અને AX7 Luxury- AT+AWD (ઓલ-વ્હીલ ડ્રાઈવ)ની કિંમત અનુક્રમે 19.99 લાખ અને 22.89 લાખ રૂપિયા છે.