Mahindraએ પોતાની સૌથી ફેમસ XUV500નું નવું બેઝ વેરિયન્ટ W3 લોન્ચ કર્યુ છે. આ Mahindra XUV500નું સૌથી સસ્તું વેરિયન્ટ છે. જેની એક્સ શો રુમની કિંમત 12.22 લાખ રૂપિયા છે. કંપનીએ કહ્યુ કે, SUVનું આ નવુ વેરિટન્ય દેશભરમાં મહિન્દ્રાની ડિલરશિપ પર તત્કાલ ઉપલબ્ધ થશે.
આ વેરિયન્ટનું લોન્ચિંગ પહેલાથી અત્યાર સુધીની XUV 500નું બેઝ વેરિયન્ટ W5 હતુ. જેની એક્સ શો રૂમ કિંમત 12.80 લાખ રૂપિયા હતી. જૂના બેઝ વેરિયન્ટની સરખામણીમાં નવું બેઝ વેરિયન્ટ 58,000 જેટલુ સસ્તુ છે. XUV500ના નવા વેરિયન્ટની ડિઝાઈન અને એન્જિનમાં કોઈ જ બદલાવ કરવામાં નથી આવ્યો. કંપનીનો દાવો છે કે ડિઝલ એન્જિવવાળી XUV500ની માઇલેજ 15.4 કિલોમીટર પ્રતિ લિટર છે.
XUV 500 W3માં પણ 2.2 લિટરનું ડિઝલ એન્જિન છે. જે 153 bhpનો પાવર અને 360 Nm ટોર્ક જનરેટ કરે છે. જેનું એન્જિન 6 સ્પીડ મેન્યુઅલ ટ્રાન્સમિશન સજ્જ છે. આ વેરિયન્ટમાં ડ્યૂઅલ ફ્રન્ટ એરબેગ્સ અને ઇબીડી સાથે ABS સેફ્ટી ફિચર્સ સ્ટારન્ડર્ડ પણ આપવામાં આવ્યા છે.
ફિચર્સ:
બેઝ વેરિયન્ટ હોવા છતાં W3 ફિચર્સના મામલામાં ઓછી નથી ઉતરતી. આ કારમાં પાવર એડજસ્ટેબલ આઉટ સાઇડ રિયર વ્યૂ મિરર, એન્જિન ઇમોબિલાઇઝર, ઇલેક્ટ્રોનિક રીતથી ઑપરેટ થતી ડ્યૂઅલ HVAC ( હિટિંગ વેન્ટિલેશન એન્ડ એર કન્ડિશનિંગ), પ્રોજેક્ટર હેડલેમ્પ્સ, LED DRL અને ક્રોમ ગ્રિલ પણ ઉપલબ્ધ છે .