BIG NEWS / ત્રણ ભાગમાં વહેંચાઈ જશે Mahindra Auto, અલગ-અલગ થશે આ બિઝનેસ, જાણો કેમ?

• મહિન્દ્રા કંપની હવે ત્રણ અલગ અલગ કંપનીઓમાં વહેંચાઇ જશે 
• ટ્રેક્ટર બનાવવામાં નંબર 1 છે મહિન્દ્રા 
• EV બીઝનેસ માટે મહિન્દ્રા ફંડ એકઠું કરશે

જલ્દી જ Mahindra & Mahindraનો બીઝનેસ એક નહીં રહે, પરંતુ આ 3 અલગ અલગ કંપનીઓમાં વહેંચાઇ જશે. આનંદ મહિન્દ્રાનું મહિન્દ્રા ગ્રુપ પોતાના પેસેન્જર વેહીકલ્સ, ઇલેક્ટ્રિક વેહીકલ્સ અને ટ્રેક્ટર બીઝનેસને અલગ અલગ કરવા જઈ રહ્યા છે. 

EV બીઝનેસ માટે Mahindra ભેગા કરશે પૈસા 

મહિન્દ્રા સમૂહ પોતાના ઓટો મોબાઈલ બીઝનેસને અલગ અલગ કરવાનાં શરૂઆતના ચરણમાં છે. અત્યારે સમૂહની ઓટો કંપનીમાં આ બધા અલગ અગ ડિવિઝન તરીકે કામ કરે છે. આમાં પણ કંપનીનું પ્લાનિંગ પોતાના ઇલેક્ટ્રિક વેહીકલ્સ બીઝનેસને ઝટલીનાં ડિઝાઈન હાઉસ Automobili Pininfarina સાથે મિલાવવાનો છે. કંપની પોતાના ઇલેક્ટ્રિક વેહિકલ્સ બીઝનેસ માટે ફંડ એકઠું કરવાની સંભાવનાઓની તપાસ કરી રહી છે. ભારતમાં કંપનીનાં ઇલેક્ટ્રિક વેહીકલ્સ પ્લાન્ટ પુનામાં છે. 

SUVનાં યૂનિટ અલગ કરશે મહિન્દ્રા 
ઇલેક્ટ્રિક વેહીકલ્સ ઉપરાંત કંપાની પોતાના એસયૂવી બીઝનેસને અલગ કંપનીમાં બદલી શકે છે. અત્યારે કંપની એક્સયૂવી રેન્જ હેઠળ ઘણી એસયૂવી બનાવે છે. સાથે જ Scorpio, Bolero અને  Thar જેવા પોપ્યુલર મોડલ પણ બનાવવા માંગે છે. હાલમાં કંપનીએ પોતાનો નવો લોગો પણ જાહેર કર્યો હતો, જે મુખ્ય રીતે એસયૂવી માટે જ ઉપયોગ કરવામાં આવશે. 

ટ્રેક્ટર બનાવવામાં નંબર 1 છે મહિન્દ્રા 

એક અલગ કંપની મહિન્દ્રા પોતાના ટ્રેક્ટર બીઝનેસ માટે બનાવી શકે છે. વર્ષ 2007માં પંજાબ ટ્રેક્ટરનાં અધિગ્રહણ બાદ મહિન્દ્રા ભારતની સૌથી મોટી ટ્રેક્ટર કંપની બની ચુકી છે. ટ્રેક્ટર બજારમાં તેની ભાગીદારી 43% છે. જ્યારે મહિન્દ્રાનાં આખા ઓટો બીઝનેસમાં સૌથી વધારે પ્રોફિટ આપનાર યૂનિટ પણ આ જ છે. 

જોકે મહિન્દ્રા તરફથી આ સમાચાર પર કોઈ ઓફિશિયલ જાહેરાત કરવામાં આવી નથી. સમાચાર પ્રમાણે ઓટો બીઝનેસને 3 અલગ અલગ કંપનીઓમાં વહેંચવાનું મુખ્ય કારણ બીઝનેસ વેલ્યૂનો સાચો ઉપયોગ કરવાનું છે.