ઑટો / મહિન્દ્રાની આ ગાડી માટે લાગી 1.11 કરોડની બોલી, આ તારીખે થશે લોન્ચ 

• મહિન્દ્રાની થાર માટે લાગી બોલી 
• 1.10 કરોડથી શરૂ થઇ હતી બોલી 
• દિલ્હીના આકાશે જીતી આ બોલી 

મહિન્દ્રાની કાર થારની બોલી માટે 1.10 કરોડ રૂપિયાની બોલી લગાવવામાં આવી હતી. આ બોલીથી આવેલી રકમ નાડી ફાઉન્ડેશન, સ્વદેશ ફાઉન્ડેશન, અને પીએ કેર ફંડમાં આપવામાં આવશે. આ પૈસા ક્યાં જશે તે નક્કી કરવાનો અધિકાર જે વ્યક્તિ જીત્યો છે તેને જ હશે. 

આ થાર એક સ્પેશિયલ બેઝ સાથે આવશે જેમાં #થાર લખેલુ હશે. આ સાથે જ તેની સીટ પર પણ 1 લખ્યુ હશે. 2 ઓક્ટોબરથી થારની બુકિંગ શરૂ થઇ જશે. સુત્રોનું જો માનીએ તો ઓક્ટોબરના અંતમાં થારની ડિલેવરી પણ શરૂ થઇ જશે. નવી જનરેશન થારને આ વર્ષની શરૂઆતમાં જ લોન્ચ કરવાની હતી પરંતુ કોરોના મહામારીના કારણે તે શક્ય ન થઇ શક્યું. 

નવી મહિન્દ્રા થારમાં બે ટ્રીમ ઓપ્શન થાર એએક્સ અને થાર એલ એક્સ ઉપલબ્દ થશે. થાર એ એક્સને હાર્ડકોર ઓફ રોડ ઇંથુસિઆસ્ટ માટે બનાવવામાં આવી છે. તેમાં બે લિટર ટર્બો પેટ્રોલ અને 2.2 લીટર ડિઝલના રૂપમાં પાવરટ્રેન ઓપ્શન આપવામાં આવશે. 

ટ્રાન્સમિશન ઓપ્શનમાં 6 સ્પીડ મેન્યુઅલ અને ઓટોમેટિક ગિયરબોક્સ યુનિટ્સ પણ સામેલ છે. જેની કિંમત 10 લાખ રૂપિયાથી 15 લાખ રૂપિયા હશે. કહેવામાં આવી રહ્યું છે કે આ કાર બીએસ6 એન્જીનને ટક્કર આપશે.