મહિન્દ્ર સ્કોર્પિયો ભારતીય માર્કેટમાં ખૂબ જ પ્રોપ્યુલર SUV છે. આ લોકપ્રિયતાના કારણે જ કંપની એ સ્કોર્પિયોનું નવુ વેરિયન્ટ S9 લોન્ચ કર્યુ છે. . Mahindra Scorpio S9ની દિલ્હીમાં એક્સ શોરૂમ કિંમત 13.99 લાખ રૂપિયા રાખવામાં આવી છે. Scorpio S9 વેરિયન્ટ SUVના S11 વેરિયન્ટથી સસ્તુ છે પરંતુ તેમાં મોટાભાગના મહત્વપૂર્ણ ફિચર્સ રહેલા છે.
સ્કોર્પિયોના S9 વેરિયન્ટના એન્જિનમાં કોઈ ફેરફાર કરવામાં આવ્યા નથી. તેમાં પણ 2.2 લીટર ટર્બો ડીઝલ એન્જિન છે. જે 140hpનો પાવર અને 320Nm ટોર્ક જનરેટ કરે છે. એન્જિનને 6 સ્પીડ મેન્યુઅલ ટ્રાન્સમિશનથી સુસજ્જ કરાયું છે. એસ9 વેરિયન્ટમાં સ્કોર્પિયો S11 વેરિયન્ટના ઘણા શાનદાર ફિચર્સ આપવામાં આવ્યા છે.
નવી સ્કોર્પિયોમાં ઓટોમેટિક ક્લાઈમેટ કંટ્રોલ ડ્યુઅલ એરબેગ્સ એબીએસ કોર્નિંગ પ્રોજેક્ટર હેડલેમ્પ્સ નેવિગેશનની સાથે 5.9 ઇંચની ટચસ્ક્રીન સિસ્ટમ અને ઈન્ટીગ્રેટેડ ટર્ન ઈન્ડીકેટર્સ સાથે ORVM છે. આ ઉપરાંત તેમાં સ્ટીયરિંગ વ્હીલ પર ઓડિયો અને ક્રૂઝ કંટ્રોલ બટન આપેલા છે.
ભારતીય માર્કેટમાં સ્કોર્પિયોની ટક્કર ટાટા હેક્સા અને ટાટા સફારી સ્ટોર્મ જેવી SUV સાથે છે. ટાટાની વર્ષ 2019ના શરૂઆતમાં લોન્ચ થનારી હેરિયર SUV પણ મહિન્દ્રાની સ્કોર્પિયોને ટક્કર આપી શકે છે. તો બીજી તરફ મહિનાના અંત સુધીના મહિન્દ્રા પોતાની ફ્લેગશિપ SUV Alturas લોન્ચ કરવાની છે. આ બાદ વર્ષે 2019માં કંપની કોમ્પેક્ટ SUV S201ને લોન્ચ કરશે.