મહિન્દ્રા એન્ડ મહિન્દ્રાના ઈલેક્ટ્રિક યુનિટ મહિન્દ્રા ઈલેક્ટ્રિકે સંભાવિત રીતે દેશની સૌથી સસ્તી ઈલેક્ટ્રિક કાર એટમની ટેક્નીકલ જાણકારી હવે શેર કરી દીધી છે. અનુમાન છે કે ભારતમાં જલ્દી જ મહિન્દ્રા એટમ ક્વાડ્રિસાઈકલ લોન્ચ કરશે જે ચાર વેરિએન્ટ્સમાં લોન્ચ કરવામાં આવશે.
હવે સામાન્ય માણસનું કારનું સપનું પણ થશે પુરૂ
મહિન્દ્રા લોન્ચ કરશે સૌથી સસ્તી કાર
ચાર વેરિએન્ટ્સમાં લોન્ચ કરશે કાર
ભારતમાં ઈલેક્ટ્રિક વાહનોનો ક્રેઝ વધતો જઈ રહ્યો છે અને હવે કંપનીઓની સાથે ગ્રાહકોએ પણ આ વાહનોમાં રૂચી દર્શાવવાનું શરૂ કરી દીધુ છે. મોટી વાહન નિર્માતાઓના સૌથી મોટા અને નાના સ્ટાર્ટઅપ પણ હવે ઈલેક્ટ્રિક વ્હીકલ્સ માર્કેટમાં આવવા લાગ્યા છે.
મહિન્દ્રા ઈલેક્ટ્રિકે ટ્રેઓ ઓટો, ટ્રેઓ ઝોર ડિલીવરી વેન, ટ્રેઓ ટિપર વેરિએન્ટ અને ઈ-અલ્ફા મિની ટિપરની સાથે એટમ ક્વાડ્રિસાઈકલ લોન્ચ કરી છે. ઈલેક્ટ્રિક 3-વ્હીલર સેગમેન્ટમાં મહિન્દ્રાનું માર્કેટ શેર 73.4 ટકા છે જેના કારણે કંપની આ લિસ્ટમાં પહેલા નંબર પર છે.
EVને 4 વેરિઅન્ટમાં લોન્ચ કરવામાં આવશે
મહિન્દ્રા એટમ ચાર વેરિઅન્ટ્સમાં લોન્ચ કરવામાં આવશે - K1, K2, K3 અને K4, પ્રથમ બે વેરિઅન્ટ 7.4 kWh બેટરી પેક સાથે આવશે, જ્યારે અન્ય બે 11.1 kWhના પાવરફુલ બેટરી પેક સાથે આવશે.
એટમના K1 અને K3 બેઝ વેરિઅન્ટ્સ એર-કંડિશનિંગ સિસ્ટમ સાથે નહીં આવે. જ્યારે K2 અને K4માં આ સુવિધા છે. એવું અનુમાન છે કે કંપની એટમ ક્વાડ્રિસાઈકલને ભારતીય બજારમાં ખૂબ જ જલ્દી લોન્ચ કરવા જઈ રહી છે.
મહિન્દ્રા એટમ ક્વાડ્રિસાઈકલ
ઇલેક્ટ્રિક પાવર વાળી મહિન્દ્રા એટમ ક્લીન એનર્જીની સાથે આરામદાયક અને સ્માર્ટ ફીચર્સ સાથે આવશે. એટોમની સાથે મહિન્દ્રાએ બજારમાં ઇલેક્ટ્રિક આલ્ફા ટીપર પણ રજૂ કર્યું છે જે ઇ-આલ્ફા મિની પ્લેટફોર્મ પર આધારિત છે. e-Alpha Mini Tipperને 1.5 kWh બેટરી પેક આપવામાં આવ્યું છે જે તેને એક વાર ચાર્જ કરવા પર 80 કિમી સુધીની રેન્જ આપે છે.
તેની લોડિંગ ક્ષમતા 310 કિગ્રા છે. હાલમાં મહિન્દ્રા એટમને કોમર્શિયલ વ્હીકલ તરીકે લોન્ચ કરવામાં આવી છે. જે હજુ સુધી જાણી શકાયું નથી કે તે વ્યક્તિગત ઉપયોગ માટે લોન્ચ કરવામાં આવશે કે નહીં.
કેટલી હશે આ કારની કિંમત?
મહિન્દ્રા એટમ દેખાવ અને ફિચર્સમાં તો પૈસા વસુલ કાર છે જ સાથે જ તેની કિંમત પણ ઘણી ઓછી હોવાનું અનુમાન કરવામાં આવી રહી છે. હવે આ વાતનું અનુમાન લગાવવું વાજબી નથી. પરંતુ અટકળો છે કે આ કારની કિંમત લગભગ 3 લાખ રૂપિયા હશે.
મહિન્દ્રા એટમની મહત્તમ સ્પીડ 50 કિમી પ્રતિ કલાક હશે અને તેને સંપૂર્ણ ચાર્જ થવામાં 5 કલાકનો સમય લાગશે. એટમ ઈલેક્ટ્રિક ક્વાડ્રિસાઈકલને સિંગલ ચાર્જ પર 120 કિમી સુધી ચલાવી શકાય છે.