બોલેરોને અનેક અપડેટ્સ સાથે ભારતીય બજારમાં લોન્ચ કરવામાં આવશે. જો કે તેનો બોક્સી લુક અકબંધ રહેશે. બોલેરો લગભગ બે દાયકાથી ભારતીય બજારમાં ગ્રાહકોની પસંદગી છે.
નવા લોગો સાથે આવી રહી છે મહિન્દ્રા બોલેરો
મહિન્દ્રાએ ગયા વર્ષે ઓક્ટોબરમાં નવો લોગો રજૂ કર્યો હતો
આ જ લોગો નવી સ્કોર્પિયો એન સાથે રજૂ કરવામાં આવ્યો
મહિન્દ્રાએ ગયા વર્ષે ઓક્ટોબરમાં માર્કેટ બ્રેકિંગ XUV700 સાથે પ્રથમ વખત નવો લોગો રજૂ કર્યો હતો. આ જ લોગો નવી સ્કોર્પિયો એન સાથે રજૂ કરવામાં આવ્યો છે અને હવે આ જ લોગો 2022 મહિન્દ્રા બોલેરો પર મળી શકે છે. એવી આશા રાખવામાં આવી રહી છે કે નવી બોલેરોને અનેક અપડેટ્સ સાથે ભારતીય બજારમાં લોન્ચ કરવામાં આવશે. જો કે તેનો બોક્સી લુક અકબંધ રહેશે. બોલેરો લગભગ બે દાયકાથી ભારતીય બજારમાં ગ્રાહકોની પસંદગી છે.
નવી બોલેરો નવા લોગો સાથે
સંભાવના છે કે 2022 મહિન્દ્રા બોલેરો નવા ટ્વીન પીક લોગોને આગળ લઈ જશે, કારણ કે તેમાં રિવાઇઝ્ડ રેડિયેટર ગ્રિલ છે. તેમાં ફોગ લેમ્પ્સમાં થોડો ફેરફાર પણ થઈ શકે છે. પાછળના ભાગમાં બોલેરો નવા લોગો સાથે સ્પેર વ્હીલ કવર મેળવી શકે છે. અને ટેઈલ લેમ્પ્સ માટેની ચમક પેટર્નમાં પણ થોડો ફેરફાર કરી શકાય છે. સાઇડ પ્રોફાઇલ વર્તમાન મોડેલ જેવી જ છે અને તેમાં વધારે ફેરફાર જોવા મળશે નહીં.
એન્જીન
2022 મહિન્દ્રા બોલેરોના એન્જિનની વાત કરીએ તો તેમાં પહેલાની જેમ જ 1.5 લીટર એન્જિન મળશે. આ એન્જિન 75bhpનો પીક પાવર અને મહત્તમ 210Nmનો ટોર્ક જનરેટ કરે છે. આ ત્રણ સિલિન્ડર ઓઇલ બર્નરમા 5-સ્પીડ મેન્યુઅલ ગિયરબોક્સ મળે છે.
XUV 300 ફેસલિફ્ટનું ટીઝર લોન્ચ
મહિન્દ્રા તહેવારોની સીઝન પહેલા ઓક્ટોબર-નવેમ્બરમાં નવી 2022 બોલેરો લોન્ચ કરે તેવી સંભાવના છે. કંપની તાજેતરમાં લોન્ચ થયેલી સ્કોર્પિયો-એનની ડિલિવરી પણ 26 સપ્ટેમ્બરથી શરૂ કરવાની છે. કંપનીએ મહિન્દ્રા એક્સયુવી 300 ફેસલિફ્ટનું ટીઝર પણ સત્તાવાર રીતે બહાર પાડ્યું છે. નવી એસયુવીમાં કોસ્મેટિકમાં નજીવા ફેરફારો, નવા ફીચર્સ અને વધુ શક્તિશાળી ટર્બોચાર્જ્ડ પેટ્રોલ જોવા મળી શકે છે.
સપ્ટેમ્બરથી બ્રાન્ડ ન્યૂ સ્કોર્પિયો-એન એસયુવીની ડિલિવરી
મહિન્દ્રા 26 સપ્ટેમ્બરથી બ્રાન્ડ ન્યૂ સ્કોર્પિયો-એન એસયુવીની ડિલિવરી શરૂ કરવાની છે. કંપનીને એસયુવી માટે 1 લાખ બુકિંગ મળ્યા છે. નવી એસયુવીનું ઓનલાઇન બુકિંગ 15 ઓગસ્ટથી શરૂ થયું હતું અને 30 મિનિટની અંદર મહિન્દ્રાએ બુકિંગ વિન્ડો બંધ કરવી પડી હતી કારણ કે એસયુવી માટે 1 લાખ બુકિંગ હતું. નવી સ્કોર્પિયો માટે ભારતનો ક્રેઝ એવો રહ્યો છે કે બુકિંગ પહેલાથી જ મોટા પ્રીમિયમ પર ક્લાસીફાઈડ પર વેચવામાં આવી રહી છે.