શાહરૂખ ખાનની ફિલ્મ પરદેસની જ્યારે પણ વાત થાય છે ત્યારે ચુલબુલી અભિનેત્રી મહિમા ચૌધરીનો હસતો ચહેરો મગજના વર્ણપટ પર આવી જાય છે. મહિમા ચૌધરીએ લાંબા સમયથી બોલિવુડ સાથે અંતર બનાવ્યું છે. મહિમા ચૌધરી હાલમાં કેન્સર જેવી ગંભીર બિમારીથી ઝઝૂમી રહી છે.
મહિમા ચૌધરી કેન્સર જેવી ગંભીર બિમારીથી ઝઝૂમી રહી છે
અનુપમ ખેરે મહિમાનો એક વીડિયો શેર કરી આ વાતનો ખુલાસો કર્યો
મિત્રો મહિમા માટે પ્રેમ અને પ્રાર્થના કરો, તે કરી રહી છે વાપસી: અનુપમ ખેર
બોલીવુડ અભિનેતા અનુપમ ખેરે તેનો એક વીડિયો શેર કરી આ વાતનો ખુલાસો કર્યો છે કે મહિમા ચૌધરીને સ્તનનુ કેન્સર થયુ છે.
અનુપમ ખેરે મહિમા ચૌધરીની કેન્સર જર્નીનો શેર કર્યો વીડિયો
અનુપમ ખેરે મહિમા ચૌધરીના એક વીડિયોની સાથે કેપ્શનમાં લખ્યું, મેં એક મહિના પહેલા મહિમા ચૌધરીને ફોન કર્યો હતો ત્યારે હું યુએસમાં હતો. એક ફિલ્મને લઇને મારે તેમની સાથે વાત કરવી હતી. અમારી સારી વાતચીત થતી હતી પછી જાણવા મળ્યું કે મહિમા સ્તન કેન્સરથી ઝઝૂમી રહી છે. તેમનુ જીવન અને જીવવાની રીત અને તેમનો એટીટ્યુડ વિશ્વભરની મહિલાઓને જીવન જીવવાની એક નવી પ્રેરણા આપી શકે છે. તે ઈચ્છતી હતી કે હું તેમની આ જર્નીને બધાની સામે લાવુ. લોકોને જણાવવા દરમ્યાન હું તેમનો ભાગ બનુ. તેમણે મારા વખાણ કર્યા. પરંતુ હું એ બોલવા માગુ છુ કે મહિમા તુ મારી હીરો છુ. મિત્રો મહિમા માટે પ્રેમ અને પ્રાર્થના કરો. હવે તે વાપસી કરી રહી છે. તે ફરીથી ઉડાન ભરવા માટે તૈયાર છે. હવે તમારી પાસે આવડત છે બ્રિલિયન્સ મેળવવાની. જય હો.
મહિમા ચૌધરીના આ વીડિયોમાં પણ તે હસી રહી છે. તેમનો આ વીડિયો કેન્સર જર્ની દરમ્યાનનો છે. ઉલ્લેખનીય છે કે મહિમા ચૌધરીએ પરદેસ સિવાય ધડકન, ઓમ જય જગદીશ જેવી ફિલ્મોમાં કામ કર્યુ છે. છેલ્લી વખત મહિમા 2016માં ડાર્ક ચોકલેટમાં દેખાઈ હતી. ફિલ્મો સિવાય તેમણે ટીવીમાં પણ હાથ અજમાવ્યો છે. સોશિયલ મીડિયામાં તમને મહિમા અને તેની પુત્રીની સાથે તમામ ફોટો વીડિયો જોવા મળી જશે.