વો ડરી સહમી સી અવાજ, વો શોખ અદાએ, પોતાની પ્રથમ ફિલ્મ પરદેશથી પોતાનો જાદુ પીરસનારી બોલીવુડ અભિનેત્રી મહિમા ચૌધરી આજે ફિલ્મોના રૂપેરી પડદાથી દૂર છે. તેમણે શાહરૂખ ખાનના અપોઝીટ ફિલ્મ પરદેશથી બોલીવુડમાં ડેબ્યુ કર્યુ હતુ.
બોલીવુડ અભિનેત્રી મહિમા ચૌધરીનો ફિલ્મ ઈન્ડસ્ટ્રી સંદર્ભે કર્યો ખુલાસો
પહેલાં તો નિર્માતાઓને ફક્ત વર્જીન યુવતીઓ જ જોઈતી હતી
હવે થયો છે ફેરફાર, મહિલાઓને પાવરફૂલ પોઝીશન મળી રહી છે
મહિમા ઈન્ટરવ્યુને લઈને ચર્ચામાં આવી
ડેબ્ચુ મુવીથી લાઈમલાઈટમાં આવેલી મહિમા થોડા વર્ષો બાદ રૂપેરી પડદેથી ગાયબ થઇ હતી. જોકે, મહિમા રાજનીતિમાં અને બોલીવુડની બહારની દુનિયામાં સમય પ્રમાણે પોતાના નિવેદનના કારણે ચર્ચામાં રહી છે. હવે મહિમા પોતાના એક ઈન્ટરવ્યુને લઇને ચર્ચામાં આવી છે. એક વેબપોર્ટલને આપેલા ઈન્ટરવ્યુમાં મહિમા ચૌધરીએ ફિલ્મ ઈન્ડસ્ટ્રીના વાસ્તવિક ચહેરાનો ખુલાસો કર્યો છે. બોલીવુડમાં અભિનેત્રીઓ પ્રત્યે થતાં ફેરફાર અંગે પોતાનું મંતવ્ય આપ્યું છે. આ સાથે તેમણે પહેલાના સમયમાં અભિનેત્રીઓ સાથે થતી અસમાનતા પર ગંભીર આરોપ લગાવ્યો છે.
મહિમા કહે છે, મને લાગે છે ઈન્ડસ્ટ્રી હવે એવા લેવલે જઇ રહી છે. જ્યાં અભિનેત્રીઓને સારી તક આપવામાં આવી રહી છે. તેમને સારા પાર્ટ્સ, સારું પેમેન્ટ અને એન્ડોર્સમેન્ટ મળી રહ્યું છે અને તેઓ પાવરફૂલ પોઝીશનમાં છે. તેમની પાસે પહેલાંથી વધુ લાંબુ અને સારું જીવન છે.
ઈન્ડસ્ટ્રીમાં વર્તમાન સમયમાં આવી રહેલા ફેરફાર પર તેમણે કહ્યું કે આજે લોકો અભિનેત્રીઓને અલગ-અલગ રોલમાં સ્વીકારી રહ્યાં છે. તેમણે કહ્યું કે, તેમના સમયમાં તેમણે પોતાના અંગત જીવનને કારકિર્દીના કારણે છૂપાવવુ પડતુ હતુ.
પહેલાં લોકોને ફક્ત વર્જીન યુવતીઓ જ જોઈતી હતી: મહિમા ચૌધરી
મહિમાએ કહ્યું, જ્યારે તમે કોઈને ડેટ કરી રહ્યાં છો. તો લોકો તમને તમારી ફિલ્મમાંથી બહાર ધકેલી દે છે. કારણકે તેમને ફક્ત વર્જિન યુવતીઓ જ જોઈતી હતી, જેમણે ક્યારેય કિસ પણ ના કરી હોય. તેથી જો તમે કોઈને ડેટ કરી રહ્યાં છો તો તેઓ કહેશે, 'Oh!She's dating!' અને જો તમારા લગ્ન થયા છે તો પછી ભૂલી જાઓ. તમારી કારકિર્દી સમાપ્ત થઇ ગઇ. જો તમારે બાળક છે તો તમારી આખી કારકિર્દીનો અંત આવી ગયો.