મોડલ અને એક્ટ્રેસ માહિકા શર્મા સતત પોતાના નિવેદનોને લઇને ચર્ચામાં રહે છે. ફરી એક વખત તેણે સોશ્યલ મીડિયા પર કોંગ્રેસ અધ્યક્ષને લઇને કરેલી પોસ્ટને લીધે ચર્ચામાં આવી છે. વાસ્તવમાં માહિકા શર્માએ પોતાના સોશ્યલ મીડિયા એકાઉન્ટ પર કોંગ્રેસના અધ્યક્ષ રાહુલ ગાંધી માટે પ્રેમ વ્યક્ત કર્યો છે.
માહિકા શર્માએ રાહુલ ગાંધીનો ફોટો શૅર કરીને લખ્યુ છે કે, ''હું આ વ્યક્તિને પ્રેમ કરૂ છું. કારણ કે તેઓ પોતાની વાતથી લોકોને હસાવે છે અને તેમને મનોરંજન પૂરુ પાડે છે. આજે એક રાજાએ આવું જ કરવું જોઇએ. દરેક વ્યકિતના ચહેરા પર સ્મિત લાવવુ તે જ એક રાજાની જવાબદારી છે.'' જો કે તેમની પોસ્ટ પરથી તે સ્પષ્ટ થતું નથી કે તે સાચું કહી રહી છે.
આ પહેલી વખત નથી જ્યારે માહિકા સોશ્યલ મીડિયા પર ચર્ચામાં વિષય બની હોય, આ પહેલા માહિકાએ વિંગ કમાન્ડર અભિનંદનને ભારત ફર્યા પહેલાની રાહમાં બિકિની પહેરેલી ફોટો શૅર કરી હતી, જેના લીધે તે ટ્રોલ થઇ હતી.
ઉલ્લેખનીય છે કે, માહિકા ટૂંક સમયમાં જ બોલિવુડમાં એન્ટ્રી કરવાની છે. ફિલ્મમાં તે બ્રિટિશના એડલ્સટ સ્ટાર ડેની ઝી સાથે કામ કરતી જોવા મળશે. આ ફિલ્મ વિશે વાત કરતા ડેનીએ કહ્યુ કે, 'માહિકા મારી સારી ફ્રેન્ડ છે અને તેના બોલિવુડના ડેબ્યૂથી હું ખુશ છું. અમે બંને એક પ્રોજેક્ટ માટે કામ કરી રહ્યા છે જેનુ નામ છે મોર્ડન કલ્ચર. આ એક રોમેન્ટિક ડ્રામા હશે.'