ભારતીય ક્રિકેટર ઇશાન કિશન રણજી ટ્રોફી દરમિયાન ધર્મસંકટમાં ફસાઇ ગયાં હતાં. એક ફેનએ ઓટોગ્રાફ માંગ્યો ત્યારે ત્યાં પહેલાથી જ મહેન્દ્રસિંહ ધોનીનો ઓટોગ્રાફ હતો. આ જોઇ ઇશાન કિશન મૂંજાઇ ગયાં.
ફેનને ઓટોગ્રાફ આપવામાં મૂંઝાયા ઇશાન કિશન
ધોનીનાં સિગ્નેચરની ઉપર સિગ્નેચર આપવાનો કર્યો ઇનકાર
સમગ્ર ઘટનાનો વીડિયો સોશિયલ મીડિયા પર થયો વાયરલ
બાંગ્લાદેશની સામે ત્રીજી વનડેમાં બેવડી શતક ફટકારનારા ભારતીય ક્રિકેટર ઇશાન કિશન રણજી ટ્રોફી દરમિયાન ધર્મસંકડમાં પડી ગયાં. એમાં થયું એવું કે એક ફેન તેમની પાસે ઓટોગ્રાફ લેવા આવ્યો. તેણે પોતાના ફોનનાં કવર પર ઓટોગ્રાફ માંગ્યો. પરંતુ તે કવર પર પહેલાથી જ મહેન્દ્રસિંહ ધોનીનો ઓટોગ્રાફ હતો. આ જોઇ ઇશાન કિશન મૂંઝાઇ ગયાં હતાં.
"Mahi bhai (@msdhoni) ka hai signature and Mai unke Signature ke Uppar kaise karskata hoon. Abhi ham utna Pahuchne nahi hai wahan par. Ham Nichhe kardete hai. Theek hai."
ઇશાનને સિગ્નેચર માટે જગ્યા ન મળી
મોબાઇલ કવર પર ઓટોગ્રાફ દેવા માટે કવર હાથમાં તો લીધું પરંતું તે કવર પર પહેલાથી જ મહેન્દ્ર સિંહ ધોનીની સિગ્નેચર હતી. હવે તે ઓટોગ્રાફની નીચે ખુબ ઓછી જગ્યા હતી જ્યારે ધોનીની સિગ્નેચરની ઉપર થોડી વધુ જગ્યાં હતી. આ જોઇ ઇશાન કિશન મૂંઝાયા. તે વિચારમાં પડી ગયાં કે તે ધોનીની સાઇનની ઉપર કઇ રીતે પોતાની સાઇન કરી શકે? તેથી તેમણે ઓટોગ્રાફ આપવાથી ઇનકાર કર્યો.
છેલ્લે ફેનની ઇચ્છા કરી પૂરી
એમ.એસ ધોનીનાં ઓટોગ્રાફની ઉપર ઇશાન કિશને ઓટોગ્રાફ આપવાથી ઇનકાર કર્યો અને નીચે તરફ ખુબ ઓછી જગ્યા હતી. ફેન્સે ઘણી આજીજી કરી ત્યારે ઇશાન કિશને પોતાનો ઓટોગ્રાફ આપ્યો પરંતુ ધોનીથી ઉપર નહીં. નીચેની બાજુ થોડી જગ્યામાં ઓટોગ્રાફ આપ્યો.
માહી ભાઇ કા સિગ્નેચર હૈ...-ઇશાન કિશન
આ ઘટનાનો વીડિયો સોશિયલ મીડિયા પર અપલોડ થઇ ગયો છે અને લોકો તે વીડિયોને ખુબ પસંદ પણ કરી રહ્યાં છે. વીડિયોમાં ઇશાન કહે છે કે, માહી ભાઇની સિગ્નેચર છે અને તેમની ઉપર મને કરવાનું કહો છો, મારાંથી નહીં થાય. માહી ભાઇનાં સિગ્નેચરની સાથે હું શું કરીશ. માહી ભાઇનીં સાઇની ઉપર હું ક્યાંથી ઘુસી જાઉં, અમે અત્યારસુધી બરાબરીનાં સ્તર પર નથી પહોંચ્યા, હું નીચે કરી આપું છું.