એક્ટર મહેશ માંજરેકર કેન્સર સામે લડી રહ્યાં છે. તેમણે હાલમાં મુંબઇમાં સર્જરી કરાવી છે. 63 વર્ષ ફિલ્મ મેકરે પોતે જ આ વાતની પુષ્ટી કરી છે.
મહેશ માંજરેકરને થયુ કેન્સર
મુંબઇમાં કરાવી કેન્સરની સર્જરી
10 દિવસ પહેલા જ કરાવી સર્જરી
ઘરે આવી ચૂક્યા છે મહેશ
સર્જરી બાદ હવે મહેશ માંજરેકર ઘરે આવી ચૂક્યા છે. હવે તેમની હાલત પહેલાથી સારી છે. ઝીંદા, રન, વૉન્ટેડ, વિરુદ્ધ જેવી ફિલ્મોમાં એક્ટિંગ કરી ચૂક્યા છે. તે સિવાય મરાઠી બિગબોસની પહેલી સિઝન પણ હોસ્ટ કરી ચૂક્યા છે.
હાલમાં જ 16 ઓગસ્ટે નિર્દેશકે પોતાના જન્મદિવસ પર ઘોષણા કરી હતી કે આવનારી ફિલ્મ વાઇટને સંદીપ સિંહ અને રાજ્ય શાંડિલ્ય સાથે મળીને બનાવવા જઇ રહ્યાં છે. મહેશે આ ફિલ્મની ઘોષણા દરમિયાન કહ્યું હતું કે, આ ફિલ્મની કહાણી મારી પાસે છેલ્લા 10 વર્ષોથી છે પરંતુ હવે આ ફિલ્મ બનવા જઇ રહી છે.
મહેશને અપાઇ હતી ધમકી
બોલિવૂડ એક્ટર મહેશ માંજરેકર પાસેથી 35 કરોડ રૂપિયાની ખંડણી માંગવામાં આવી રહી હતી. મહેશે આ વાતની પોલિસ ફરિયાદ કરી અને પોલિસે તે શખ્સને દબોચી લીધો હતો. મેસેજ કરનાર વ્યક્તિ પોતાને અબૂ સલેમ હોવાનું કહી રહ્યો હતો.
દાદર પોલિસમાં આ કેસ નોંધાયો છે અને એન્ટી એક્સટોર્શન સેલે 32 વર્ષીય એક શખ્સની રત્નાગીરીથી ધરપકડ કરી છે. માંજરેકરને જે જગ્યાથી ફોન આવ્યો હતો તે આ જ શખ્સના નામે રજીસ્ટર હતો. પોલિસ એ શોધવામાં મથી રહી છે કે ખરેખર આ વ્યક્તિનો સંબંધ અબૂ સલેમ સાથે છે કે નહી.
આખી ઘટનામાં મહેશ માંજરેકરે જણાવ્યું કે, તેમને કોઇનો મેસેજ આવ્યો અને તે વ્યક્તિએ 35 કરોડ રૂપિયા માંગ્યા હતા. જે બાદ તેમણે પોલિસમાં ફરિયાદ નોંધાવી હતી અને તેની ધરપકડ કરવામાં આવી છે. મહેશે કહ્યું કે કદાચ તે ગરીબ હશે જેના કારણે તેણે આ પગલુ ભરવુ પડ્યું હતું.