મહેશ ભટ્ટ એટલે જાણે વિવાદોનો માળો, હવે ફરી એક વાર મહેશ ભટ્ટ વિવાદમાં સપડાયા છે. એક્ટ્રેસ લવીના લોધે સોશ્યલ મિડીયા પર એક વીડિયો શૅર કરીને મહેશ ભટ્ટને બોલિવૂડનો ડોન કહી દીધો છે.
લવિના લોધે લગાવ્યા મહેશ ભટ્ટ પર આરોપ
સુમિત છોકરીઓ સપ્લાય કરે છે
મહેશ ભટ્ટને દરેક વાતની હોય છે જાણકારી
વીડિયોમાં લવીનાએ મહેશ ભટ્ટના ભાણીયા અને વિશેષ ફિલ્મના હેડ ઓફ પ્રોડક્શન સુમિત સભરવાલ પર પણ ગંભીર આરોપ લગાવ્યા છે. લવીનાના કહેવા મુજબ સુમિત ડ્રગ્સ અને છોકરીઓ સપ્લાય કરવાનુ કામ કરે છે. લવીનાએ અમાયરા દસ્તુર અને સપના પબ્બી જેવી અભિનેત્રીઓનુ પણ નામ લીધુ છે.
સોશ્યલ મિડીયા પર વીડિયો મુકીને લવીના કહે છે કે, હેલ્લો મારુ નામ લવીના લોધ છચે, આ વીડિયો હું મારી અને મારા પરિવારની સેફ્ટી માટે બનાવુ છું. મારા લગ્ન મહેશ ભટ્ટના ભાણીયા સુમિત સાથે થયા હતા પરંતુ મેં ડિવોર્સ માટે ફરિયાદ દાખલ કરી છે.
લવીના વધુમાં જણાવે છે કે, તેણે તેના પતિ સુમિતના ફોનમાં ઘણી છોકરીઓના ફોટા જોયા છે અને તે ડિરેક્ટર્સને તે ફોટા મોકલે છે ત્યારે મને ખબર પડી કે તે છોકરીઓ અને ડ્રગ્સ સપ્લાય કરે છે. આ વાતની જાણકારી મહેશ ભટ્ટને પણ છે.
લવીનાના કહેવા અનુસાર, જો બોલિવૂડમાં કોઇ મહેશ ભટ્ટનુ કહ્યું નથી કરતુ તો મહેશ તેની જીંદગી બરબાદ કરી નાંખે છે. જ્યારે લવીનાએ ડિવોર્સ ફાઇ કર્યા તો મહેશ ભટ્ટ તેની પાછળ પડી ગયા હતા અને તે ઘરમાં ઘૂસવાનો પ્રયત્ન પણ કરે છે.
છેલ્લે વીડિયોમાં લવીના કહે છે કે, મારા કે મારા પરિવાર સાથે કંઇ પણ થાય છે તો તેનો જવાબદાર મહેશ ભટ્ટ, મુકેશ ભટ્ટ, સુમિત સભરવાલ, સાહિલ સહગલ અને કુમકુમ સહગલ હશે. દરેકને જાણ થવી જોઇએ કે આ લોકો કેવી રીતે લોકોની જીંદગી સાથે રમે છે.
લવીનાના આ વીડિયો પર મહેશ ભટ્ટના વકીલ તરફથી પ્રતિક્રિયા આવી છે અને તેમણે કહ્યું છે કે વીડિયોમાં કહેવામાં આવેલ દરેક વસ્તુ ખોટી છે. કાયદાકીય રીતે આ બાબતને હેન્ડલ કરશે તેવુ જણાવવામાં આવ્યું છે.