બોલિવુડના જાણીતા ફિલ્મ મેકર મહેશ ભટ્ટનો આજે બર્થ ડે છે અને તેઓ 71 વર્ષના થયા છે. મહેશ ભટ્ટનો જન્મ 20 સપ્ટેમ્બર 1948ના નાનાભાઇ ભટ્ટના ઘરે થયો હતો. તેમના પિતા હિંદૂ હતા પરંતુ તેમની માતા શિરીન મોહમ્મદ અલી ગુજરાતી મુસ્લિમ હતા. મહેશ ભટ્ટે પોતાની સ્કૂલિંગ મુંબઇથી કરી હતી અને નાની ઉંમરમાં રૂપિયા કમાવવાનું શરૂ કરી દીધુ હતુ.
આજે છે મહેશ ભટ્ટનો બર્થ ડે
આલિયા ભટ્ટ સોશ્યલ મીડિયા પર ફોટો પોસ્ટ કરીને પોતાના પિતાને કર્યો બર્થ ડે વિશ
મહેશ ભટ્ટે પોતાની દિકરી પૂજા ભટ્ટને કરી હતી કિસ અને લગ્ન કરવાની ઇચ્છા વ્યક્ત કરી હતી
મહેશ ભટ્ટ જ્યારે સ્કૂલમાં હતા ત્યારે તેઓ ગરમીની રજાઓ પર નોકરી કરતા હતા અને એડ પણ બનાવતા હતા. મહેશ ભટ્ટ માત્ર 26 વર્ષના હતા ત્યારે તેમણે ડિરેક્ટર તરીકે બોલિવુડમાં ડેબ્યૂ કર્યુ અને વર્ષ 1974માં 'મંઝિલે ઔર ભી હૈ' બનાવી. વર્ષ 1979માં તેમણે ફિલ્મ 'લહૂ કે રંગ' બનાવી જેમાં એક્ટ્રેસ શબાના આઝમી અને વિનોદ ખન્ના જોવા મળ્યા હતા. આ ફિલ્મ 2 ફિલ્મફેર એવોર્ડ જીત્યો હતો. આ પછી મહેશ ભટ્ટે ફિલ્મ ઇન્ડસ્ટ્રીમાં ફિલ્મ 'સારાંશ', 'સડક', 'આશિકી', 'જખ્મ', 'દિલ હૈ કિ માનતા નહી', 'રાઝ', 'મર્ડર', 'ગેંગસ્ટર', 'વો લમ્હે' જેવી ફિલ્મો બનાવી છે.
પોતાના કામની સિવાય મહેશ ભટ્ટ પોતાની પર્સનલ અને લવ લાઇફને લઇને ચર્ચામાં છે. મહેશ ભટ્ટે માત્ર 20 વર્ષની ઉંમરમાં લગ્ન કર્યા હતા. તેમણે Lorraine Bright (લોરેન બ્રાઇટ)ની સાથે પ્રેમ થયો અને બંનેએ લગ્ન કર્યા. લોરેને પોતાનુ નામ બદલીને કિરણ ભટ્ટ રાખ્યુ. લગ્ન પછી બંનેને 2 બાળકો, એક દિકરી પૂજા અને દિકરો રાહુલ થયા.
એક સમયે લગ્ન તૂટવા સુધીની વાત પહોંચી ગઇ જ્યારે મહેશ ભટ્ટનું નામ જ્યારે ફેમસ એક્ટ્રેસ પરવીન બાબીની સાથે જોડાવવા લાગ્યુ. કહેવાય છે કે, મહેશ ભટ્ટ અને પરવીન બાબીનું અફેર વર્ષ 1977માં શરૂ થયુ જ્યારે બંને પોતાના કરિયરમાં ઘણી સારી જગ્યાએ પહોંચી ગયા હતા.
પરવીન બાબી સાથે લિવ-ઇન રિલેશનશિપમાં રહેલા લાગ્યા મહેશ ભટ્ટ:
મહેશ ભટ્ટ અને પરવીન બાબાની એકબીજાને પ્રેમ કરવા લાગ્યા અને લિવ-ઇનમાં સાથે રહેવા લાગ્યા. જે પછી વર્ષ 1979માં પરવાની બાબીની તબિયત ખરાબ થવા લાગી. પરવીન બાબીને 'પૈરાનૉયડ સ્કિઝોફ્રેનિયા' નામની જીવલેણ બિમારી હતી જેના કારણે તેમણે સતત ડર રહેલા લાગ્યો કોઇ તેણે મારવા ઇચ્છે છે. આ બિમારીને કારણે તબિયત સતત ખરાબ થઇ રહી હતી. મહેશ ભટ્ટે પરવીન બાબીનો સાથ આપ્યો અને સારવાર માટે બેંગ્લોર ગયા અને તેમ છતાં સ્થિતિમાં સુધારો ના આવ્યો. આ પછી એક ફિલોસોફરની સલાહથી તેઓ મહેશ ભટ્ટ પરવીન બાબીથી અલગ થઇ ગયા. પરવીનથી અલગ થયા પછી વર્ષ 1986માં મહેશ ભટ્ટે એક્ટ્રેસ સોની રાજદાન સાથે લગ્ન કર્યા અને તેમની બે દિકરીઓ શાહીન અને આલિયા થઇ.
મહેશ ભટ્ટે 80ના દાયકમાં એક મેગેઝિનના કવર માટે ફોટોશૂટ કરાવ્યુ હતુ. જેમાં તેઓ પોતાની દિકરી પૂજા ભટ્ટને લિપલૉક કરતા જોવા મળ્યા હતા. એટલુ જ નહી જ્યારે વિવાદ સર્જાયો ત્યારે મહેશ ભટ્ટે કહ્યુ કે, ''જો પૂજા મારી દિકરી ના હોત, તો તેની સાથે લગ્ન કરી લીધા હોત..'' જોકે મહેશ ભટ્ટ અને પૂજા ભટ્ટના આ ફોટોને કારણે વિવાદ સર્જાયો અને નિંદા પણ થઇ. જોકે આ પછી મહેશ ભટ્ટે જણાવ્યું કે છેલ્લા કેટલાક દિવસથી જે વિવાદ થયો એના કારણે તેઓ ડિપ્રેશનમાં ચાલ્યા ગયા હતા.