રાષ્ટ્રીય મહિલા આયોગ સમક્ષ સુનાવણી માટે મહેશ ભટ્ટ ઓનલાઈન હાજર થયા
ઓનલાઈન સુનાવણી માટેના આયોગની સમક્ષ હાજર રહેલાં મહેશ ભટ્ટે એક નિવેદન બહાર પાડતાં કહ્યું કે, હું રાષ્ટ્રીય મહિલા આયોગને સલામ કરું છું કે, તેમણે એવી કેટલીક સંસ્થાઓને ચિન્હિત કરીને તેના પર કાર્યવાહી કરી છે, જે ઈન્ડસ્ટ્રીમાં મહિલાઓ સાથે જાતીય સતામણીને પ્રોત્સાહન આપે છે. આ વાત માટે હું મહિલા આયોગનો આભારી છું. હું આજે મારા ઉપર લાગેલાં આરોપોના સંદર્ભમાં હાજર થયો છું. આઈએમજી વેન્ચર્સે નવેમ્બર 2020માં પોતાના પ્રમોશનલ ઈવેન્ટ મિસ્ટર અને મિસિસ ગ્લેમર, 2020માં મારા નામનો ઉપયોગ કર્યો અને મને આમાં આમંત્રિત કર્યો.
મહેશ ભટ્ટે આગળ લખ્યું- હું આયોગના ચેયરપર્સનને સ્પષ્ટ કરવા માંગુ છું કે મને આ ઈવેન્ટમાં સ્પેશિયલ ગેસ્ટ તરીકે આમંત્રિત કરવામાં આવ્યો હતો પરંતુ કોરોના વાયરસને કારણે મેં તેમાં જવાનો ઈન્કાર કર્યો હતો. આ ઈવેન્ટ માટે મૈં કોઈપણ પ્રકારનું એગ્રીમેન્ટ કર્યું નહોતું. પરંતુ કંપનીએ મારી સંમતિ વિના મારા નામનો ઉપયોગ કર્યો. જ્યારે મૈં વિશએ પૂછ્યું તો તેમણે મારી પાસે માફી માંગી અને ત્યારબાદ મારું નામ અને મારી તસવીર દરેક જગ્યાએથી હટાવી લેવામાં આવી હતી.
મહેશ ભટ્ટે આગળ કહ્યું-આ કંપની સાથે મારા કોઈ લેવાદેવા નથી. એ લોકોની ઈવેન્ટમાં વધુને વધુ લોકો સામેલ થાય તે માટે મારા નામનો ઉપયોગ કરવામાં આવ્યો હતો. તેમણે કહ્યું-71 વર્ષની ઉંમરમાં હું જ્ઞાનનું આદાનપ્રદાન કરવા અને સામાજિક કાર્યોમાં યોગદાન આપવામાં વિશ્વાસ રાખું છું. હું ત્રણ દીકરીઓનો પિતા છું અને આ ધર્મયુદ્ધમાં સંપૂર્ણ સહયોગ માટે તૈયાર છું.