મહેસાણા: તેલ ભરેલા ટેન્કરનું શિર્ષાસન લોકો વાસણો લઇ દોડ્યા

મહેસાણા: જિલ્લાના પીરોજપુરા ગામે તેલ ભરેલું ટેન્કર પલટયું છે. ખાદ્ય તેલ ભરેલું ટેન્કર પલટી જતાં લોકો તેલ લેવા માટે ઉમટી પડયા હતા. મોટી સંખ્યામાં સ્થાનિકોએ તેલ લેવા માટે પડાપડી કરી હતી અને પાણીની માફક તેલ ભરીને લોકો તેલ લઈને જઈ રહ્યા હતા. લોકોએ હાથમાં જે પણ વાસણ આવ્યું તે લઈને દોડયા હતા. તો આ તેલ ભરેલું ટેન્કર એન.કે.પ્રોટીન કંપનીનું હોવાનું સામે આવ્યું છે.
 

ઉલ્લેખનીય છે કે પીરોજપુરા પાસે આજરોજ અચાનક તેલ ભરેલ એક ટેન્કર પલટી જતા ભયનો માહોલ સર્જાયો હતો. જો કે તેલ ભરેલ ટેન્કર રેહણાંક વિસ્તારથી દુર પલટી ખાતા મોટી દુર્ઘટનાં ઘટતી અટકી હતી.

આ ઘટના અંગેની જાણ થતા સ્થાનિક લોકો ડોલ ડબ્બા અને અન્ય વાસણો લઇને ટેન્કરમાંથી બહાર આવી રહેલા તેલ ભરવા માટે ઉમટી પડ્યા હતા. લોકોએ ટેન્કરમાંથી લૂંટ ચલાવી હતી.
 

આપને જણાવી દઇએ કે હાઇવે પરથી પસાર થઇ રહેલ ટેન્કર અચાનક પલટી ખાતા આ સમાચાર વાયુ વેગે આસપાસના વિસ્તારોમાં પ્રસરી ગયા હતા.

જો કે નજીકના પોલીસ મથકે આ ઘટનાની જાણ થતા જ પોલીસ કાફલો અને ફાયરબ્રિગેડની ગાડી ઘટનાસ્થળે પહોંચ્યા હતા. અચાનક બનેલ આ ઘટનાને કારણે વાહનવ્યવહાર પણ ખોરવાઇ ગયો હતો. જો કે રહેણાક વિસ્તારથી દૂર આ ઘટના બનતા મોટી હોનારત થતા અટકી હતી.