દિગ્ગજ ક્રિકેટર અને ટીમ ઇન્ડિયાના પૂર્વ કેપ્ટન મહેન્દ્ર સિંહ ધોનીની પત્ની સાક્ષી ધોનીએ રાંચીમાં ગન લાઇસન્સ માટે અરજી આપી છે. લાઇસન્સ અરજીનું કારણ આપતા કહેવું છે કે ''મારા જીવને જોખમ છે.'' મીડિયા રિપોર્ટ્સ અનુસાર સાક્ષીએ પિસ્ટલ અથવા 0.32 રિવૉલ્વર માટે અપ્લાઈ કર્યું છે.
સાક્ષીએ અરજી કરતી વખતે કારણ જણાવ્યું કે ''તે મોટાભાગનો સમય એકલી રહે છે અને તેને બહાર પણ એકલું જવું પડે છે. એવામાં તેના જીવને જોખમ છે આ કારણથી તેણે હથિયારની જરૂર છે.''
સાક્ષીએ આર્મ્સ લાઇન્સ માટે અરજી કરતા કહ્યુ કે તેણે જલ્દી થઇ શકે એટલી જલ્દી પિસ્ટલ અથવા તો રિવૉલ્વર ખરીદવા માટે લાઇસન્સ આપવામાં આવે.
સૂત્રોનુસાર સાક્ષીએ આર્મ્સ લાઇન્સ માટે મજિસ્ટ્રેટ કાર્યાલયમાં અરજી કરી છે જેને અરગોડા પોલીસ સ્ટેશન મોકલવામાં આવી છે.
ઉલ્લેખનીય છે કે ધોનીએ પણ 2006માં ગન લાયસન્સ માટે અપ્લાય કર્યું હતું પણ તેને તેને 9mmની પિસ્ટલની પરવાનગી આપવામાં આવી હતી.
ધોનીના ક્રિકેટ શેડ્યૂલની વાત કરીએ તો જુલાઈથી સપ્ટેમ્બર સુધી તે ઈંગ્લેન્ડના પ્રવાસમાં વ્યસ્ત રહેશે. ટેસ્ટ ક્રિકેટમાંથી રિટાયર્મેન્ટ લઈ ચૂકેલો ધોની પહેલા આયર્લેન્ડ સામે ટી20 અને બાદમાં ઈંગ્લેન્ડ સામે વન-ડે તથા T-20 સીરિઝમાં રમશે.