બાહુબલી લૂકમાં જોવા મળ્યો મહેન્દ્ર સિંહ ધોની VIDEO થયો વાયરલ

ભારતીય ક્રિકેટના ભૂતપુર્વ કપ્તાન મહેન્દ્ર સિંહ ધોની પહેલા કેટલાય લાંબા સમય સુધી પોતાના લાંબા વાળને કારણે ચર્ચામાં રહ્યો હતો.તેના લાંબા વાળના વખાણ તો પાકિસ્તાનના પૂર્વ રાષ્ટ્રપતિ મુશરર્ફ પણ કરી ચૂકેલ છે.જો કે ત્યારબાદ ધોનીએ પોતાના લાંબા વાળ કપાવી નાંખ્યા હતા ત્યારબાદ આજે ફરીવાર લાંબા વાળ સાથે જોવા મળ્યા હતા.

આપને જણાવી દઇએ કે મહેન્દ્ર સિંહ ધોનીએ એક એડ શૂટ કરવા આ પ્રકારના લૂકમાં જોવા મળ્યા હતા. ધોની આ શૂટમાં બાહુબલી અવતારમાં દેખાઈ રહ્યો છે. આ એડમાં તે ભોજપુરી ભાષા બોલી રહ્યો છે. મેદાન પર હંમેશા શાંત રહેનારા ધોનીનો અનોખા અંદાજને જોઈને તેના ચાહકો ખૂબ ખુશ થઈ રહ્યાં છે.

ઉલ્લેખનીય છે કે 2014થી ધોની ટેસ્ટ ટીમમાંથી સંન્યાસ લઈ ચૂક્યો છે અને હવે માત્ર ઓછી ઓવરો વાળી જ મેચમાં ભારતનું પ્રતિનિધિત્વ કરી રહ્યો છે.આગામી 6 માર્ચથી શરૂ થવા જઈ રહેલી ટી20 ટ્રાઈ-સીરીઝમાં ભાગ લેવાનો હતો પણ તેણે આરામ માગ્યો હતો.