મહેન્દ્ર સિંહ ધોની સ્ટમ્પની પાછળ ખૂબ જ ઝડપી છે. બેટ્સમેનનો પગ ક્રિઝથી એક સેકન્ડ માટે પણ બહાર નીકળે તો પાછા આવવાની કોઇ તક મળતી નથી. પોતાની વિકેટકીપિંગનું સિક્રેટ શેર કરતા ઘોનીએ જણાવ્યું હતું કે, તેણે આ કૌશલ્ય ટેનિસ બોલમાંથી શીખ્યુ છે. પોતાની વીજળી ઝડપ જેવી સ્ટમ્પિંગ વિશે વાત કરતા ધોનીએ કહ્યુ કે, મને લાગે છે કે આ વસ્તુ ટેનિસ બોલથી ક્રિકેટ રમવાથી આવી છે. પરતુ તેમ છતાં તમારે બેઝિક્સની જાણકારી હોવી જરૂરી છે અને તમારે તે સ્તર સુધી પહોંચવુ જોઇએ.
ધોનીએ કહ્યુ કે, જો તમે આવા જ રહેશે તો તમે ભૂલ કરી શકો છો આથી મને હજુ પણ લાગે છે કે, બેઝિક્સ સૌથી મહત્વપૂર્ણ છે. CSKના કેપ્ટન ધોનીનું હાલમાં IPLમાં શાનદાર ફોર્મ છે અને તાવ તથા પીઠના દુઃખાવાના કારણે બે મેચ બહાર બેસ્યા બાદ તેણે 22 બોલમાં 44 રનની અણનમ ઇનિંગ રમી, જેનાથી ચેન્નાઇ સુપર કિંગ્સે બુધવારે દિલ્હી કેપિટલ્સ સામે 179 રન કર્યા.
ધોનીને જ્યારે તેની ઈનિંગ વિશે પૂછવામાં આવ્યું તો તેણે કહ્યું કે, બોલિંગ વેરિએશન સમજવા માટે વિકેટ પર ઘણો સમય પસાર કર્યો અને અંતમાં ચેન્નાઇ સુપર કિંગ્સને મેચમાં સારા સ્કોર સુધી પહોંચાડી. અંતિમ ઓવર વિશે પૂછવામાં કહ્યું કે, બોલને જુઓ અને પછી હિટ કરો. તમે સમય પસાર કર્યો છે. તમે વેરિએશન જાણો છો. જે 10-15 બોલ રમી ચૂક્યો છે, તેમના માટે આ સરળ હોય છે.
ઉલ્લેખનીય છે કે ધોની બોટિંગ ફિનિશિંગ બેટિંગ સ્ટાઈલ અને સ્ટમ્પની પાછળ ઝડપી કિંપિંગ માટે જાણીતો છે. 2019નું વર્ષની શરૂઆતથી જ ધોની જબરજસ્ત ફોર્મમાં દેખાઈ રહ્યો છે. તેણે પહેલા ન્યૂઝીલેન્ડ ટૂર અને પછી IPLમાં પોતાના પરફોર્મન્સથી ટિકાકારોનું મોઢું બંધ કરી દીધુ અને ફરીવખત ફેન્સનું દિલ જીતી લીધુ છે.