હરાજી / બ્રિટનમાં મહાત્મા ગાંધીના ચશ્માની હરાજી શરુ, જાણો કેટલી મોટી કિંમત સાથે બોલી શરુ થઈ

•  બોલી 10 હજારથી 15 હજાર પાઉન્ડ સુધી જઈ શકે છે
• ચશ્મા તેમને વર્ષ 1900ની શરુઆતના દશકમાં ભેટમાં મળ્યા હતા
•  હરાજી માટે પહેલા જ 6 હજાર પાઉન્ડની બોલી લાગી ચૂકી છે

દક્ષિણ- પશ્ચિમ ઈંગ્લેન્ડમાં ઈસ્ટ બ્રિસ્ટલ ઓક્શન હાઉસના હવાલાથી કહેવામાં આવ્યું છે કે તેમને આ જાણીને ઘણું આશ્ચર્ય થયું કે આ ચશ્મા ઐતિહાસિક મહત્વ ધરાવે છે. હરાજી હાઉસના સંચાલક એન્ડી સ્ટોવે કહ્યું કે ચશ્માના વિક્રેતાને આ રસપ્રદ તો લાગ્યુ, પરંતુ તેના માટે કોઈ મૂલ્ય નહોતુ. એટલા માટે તેમણે તેને વેચવા માટે કહ્યું.

સ્ટોવે કહ્યું કે જ્યારે અમે તેનું મુલ્યાંકન કર્યુ અને તેને કિંમત કહી તો તે લગભગ ખુરશીમાંથી પડી જ જવાના હતા. સાચે જ આ એક રસપ્રદ હરાજીની સ્ટોરી છે.

આ ચશ્માની ઓનલાઈન હરાજી માટે પહેલા જ 6 હજાર પાઉન્ડની બોલી લાગી ચૂકી છે. આ ચશ્માના વિક્રેતાના પિતાએ કહ્યું હતું કે આ તેના કાકાની ભેટ છે. જ્યારે તે 1910થી 1930ની વચ્ચે દક્ષિણ આફ્રીકામાં બ્રિટન પેટ્રોલિયમમાં કામ કરતા હતા. સ્ટોવે કહ્યું કે આ ગાંધીના શરુઆતના ચશ્મા હોઈ શકે છે. જ્યારે તે દ. આફ્રિકામાં હતા.