કાર્યવાહી / ગુજરાત ATSએ મહારાષ્ટ્રમાંથી ઝડપ્યું 800 કરોડનું ડ્રગ્સ, બે આરોપી સંકજામાં, આવી રીતે પાર પડાયું ઓપરેશન

સુરત બાદ મહારાષ્ટ્રના ભિવંડીમાંથી 800 કરોડની કિંમતના લિક્વિડ ફોર્મમાં મેફેડ્રોન મળી આવ્યા છે. ATSએ બે આરોપીની કરી ધરપકડ કરી છે. 20 દિવસ અગાઉ સુરતના પલસાણા તાલુકાના કારેલી ગામમાં માદક પદાર્થ બનાવતી ફેક્ટરીનો પર્દાફાશ કરવામાં આવ્યો હતો. જેમાં ચાર કિલો મેફેડ્રોન અને 31.4 કિલો લિક્વિડ મેફેડ્રોન જેની અંદાજીત કિંમત 51.4 કરોડને કબજે કરવામાં આવ્યો હતો.

એક ફ્લેટમાં ડ્રગ્સ બનાવવાનું કામ ચાલતું હતુ

આ કેસમાં કુલ ત્રણ આરોપીઓને પકડી પાડવામાં આવ્યા હતા જેમની પૂછપરછ દરમિયાન અન્ય ત્રણ આરોપીઓ મહંમદ યુનુસ,એજાજ અને મોહમ્મદ આદિલ પણ સામેલ હોવાનું સામે આવ્યું હતું. એટીએસના અધિકારીઓને બાતમી મળતા ટેકનિકલ રિસોર્સ દ્વારા ખરાઈ કરી 5 ઓગસ્ટના રોજ મહારાષ્ટ્રના થાણેમાં ભિવંડી ખાતે એક ફ્લેટમાં ડ્રગ્સ બનાવવાનું કામ ચાલી રહ્યું હતુ, ત્યાં રેડ કરતા માદક પદાર્થ મેફેડ્રોન બનાવવા માટેની પ્રોસેસ ચાલુ હોવાનું ખુલ્યું હતું.

આ પણ વાંચો: 'બાઈકની પાછળ બેસનારાને પણ હેલ્મેટ પહેરવું ફરજિયાત', અમલવારી મુદ્દે ગુજરાત હાઈકોર્ટનો મોટો આદેશ

બંને આરોપી ભાઈ

જેમાં 10.96 કિલોગ્રામ સેમી-લિક્વિડ મેફેડ્રોન તથા બેરલોમાં ભરેલુ 782.263 કિ.ગ્રા લિક્વિડ મેફેડ્રોન મળી આવ્યો હતો. જેની આંતરરાષ્ટ્રીય બજારમાં કિંમત આશરે રૂ.800 કરોડની થાય છે. આ મુદ્દામાલની સાથે બે આરોપી 1.મોહમ્મદ યુનુસ ઉં.41 અને 2. મોહમ્મદ આદિલ ઉં.34ને દબોચી લેવાયા હતા. જે બંને મુંબઈના ડોંગરીના રહેવાસી છે. ઝડપાયેલ બંને આરોપી ભાઈ છે અને તેમનો અન્ય એક ભાઈ એજાઝ પણ આ ગુનામાં સામેલ છે. જેની શોધખોળ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ