CMP / શપથગ્રહણ પહેલાં જ ઉદ્ધવ સરકારનો માસ્ટર સ્ટ્રોક, એક રૂપિયામાં ઈલાજ અને ખેડૂતોના દેવા માફ

• ઝુપડામાં રહેનાર લોકોને જમીન અપાશે
• રૂ.1માં તમામ નાગરિકોને સારવાર
• મહારાષ્ટ્રના ખેડૂતોનું દેવુ માફ કરાશે

શિવસેના, NCP અને કોંગ્રેસે સંયુક્ત પત્રકાર પરિષદ યોજી હતી. જેમાં કોમન મિનિમમ પ્રોગ્રામ પર કેટલીક જાહેરાતો કરી છે. આ કાર્યક્રમમાં સરકારના કામકામ વિશે માહિતી આપી છે. જે હેઠળ ત્રણેય દળ ખેડૂત, રોજગાર, સ્વાસ્થ્ય, ઉદ્યોગ, સામાજિક ન્યાય, મહિલાઓ, શિક્ષા, ગ્રામિણ વિકાસ જેવા મુદ્દાઓ પર પ્રાથમિકતાની સાથે કામ કરશે.

એક રૂપિયામાં સારવાર, ખેડૂતોની દેવામાફી

ઉદ્ધવ સરકારે ખેડૂતો માટે નવી પાક વીમા યોજના લાવશે, સાથે જ ખેડૂતોને તાત્કાલિક રાહત આપવાનું કામ કરવામાં આવશે. સરકારના CMPમાં સરકારી વિભાગોના તમામ પદ ભરવામાં આવશે. રાજ્યના તમામ લોકોને એક રૂપિયામાં સારવાર આપવાનો વાયદો પણ સરકારના એજન્ડામાં સામેલ છે. દુષ્કાળ પીડિત ખેડૂતોનું દેવુ માફ કરવામાં આવશે. સીએમપીમાં સેકુલર શબ્દ પર પણ જોર આપવામાં આવ્યું છે જેને લઇને ઘણી ચર્ચા કરવામાં આવી હતી. 

Common Minimum Program of 'Maha Vikas Aghadi' (NCP-Congress-Shiv Sena alliance). pic.twitter.com/2qw2ECwRkU

— ANI (@ANI) November 28, 2019

'દેશનો સૌથી પહેલા'નો એજન્ડા નક્કી

ઉદ્ધવ સરકારના નેતૃત્વ વાળી ગઠબંધન સરકાર દેશ સૌથી પહેલાના નારે પર આગળ વધશે. સાથે આ વાતનું ધ્યાન રાખવામાં આવશે કે સમાજના કોઇ પણ ખુણે ભય ન રહે. પ્રોગ્રામ હેઠળ ગરીબોને વગર વ્યાજે શિક્ષણ લોન આપવાની વ્યવસ્થા કરવામાં આવશે. સમાજના તમામ સમુદાઓના કલ્યાણની વાત આ પ્રોગ્રામમાં કહેવામાં આવી છે. સોનિયા ગાંધી, શરદ પવાર અને ઉદ્ધવ ઠાકરેના નિર્દેશનમાં ત્રણેય દળોએ આ કૉમન મિનિમમ પ્રોગ્રામ તૈયાર કર્યો છે. એકનાથ શિંદેએ કાર્યક્રમનું એલાન કરતા કહ્યું કે સરકાર તમામ ધર્મોને સાથે લઇને ચાલશે અને રાજ્યને વિકાસના પથ પર લઇ જશે.

કોમન મિનિમમ પ્રોગ્રામમાં શું છે ?

• શહેરી વિસ્તારમાં રસ્તાઓ માટે યોજના
• ગરીબ બાળકોને મફત શિક્ષણ
• ગરીબોને વગર વ્યાજે શૈક્ષણિક લોન
• ઝૂંપડપટ્ટીમાં રહેનારાઓને 500 ચોરસ વર્ગ જમીન
• રૂ.1માં તમામ નાગરિકોને સારવાર
• દરેક નાગરિકને સ્વાસ્થ્ય વીમા યોજનાનો લાભ
• કોમન મિનિમમ કાર્યક્રમ હેઠળ ખેડૂતોને જલ્દી રાહત
• સરકારી વિભાગોમાં ખાલી પદ જલ્દી ભરાશે
• તમામ નાગરિકોને મળશે સ્વાસ્થ્ય વીમા યોજના
• મહારાષ્ટ્રના ખેડૂતોનું દેવુ માફ કરાશે
• મહિલાઓની સુરક્ષા માટે ખાસ યોજના
• ખેડૂતો માટે નવી ફસલ યોજના
• ધર્મનિરપેક્ષતા પર મૂકાશે ભાર
• રાજ્યના લોકોને નોકરીમાં 80 ટકા અનામત આપવાને લઇને કાયદો લાવવામાં આવશે
• નૈનાર રિફાઇનરી પ્રોજેક્ટ અને બુલેટ ટ્રેન પ્રોજેક્ટના મુદ્દે ચર્ચા થશે
• નવી કંપનીઓમાં સ્થાનિક લોકોને 80 ટકા અનામત આપવા સંબંધી કાયદો લાવવામાં આવશે

બંધારણને મૂળભાવના પર કામઃ શિંદે

એકનાથ શિંદેએ પ્રોગ્રામનું એલાન કરતા કહ્યું કે મહારાષ્ટ્રના વિકાસ પર સરકાર જોર આપશે અને તેમણે દાવો કર્યો 170 ધારાસભ્ય ગઠબંધન સરકારની સાથે છે. શિંદેએ કહ્યું કે બંધારણના મૂળ તત્વોને કેન્દ્રમાં રાખવામાં આવ્યા છે અને તમામ ભાષા-પ્રાંતોને સાથે લઇને આ સરકાર આગળ વધશે. શિંદેએ કહ્યું કે અમે કોઇ પણ પ્રકારના ભેદભાવ જનતાની સાથે નહીં થવા દઇએ.

હિન્દુત્વનો સવાલ ટાળ્યો

હિન્દુત્વની વિચારધારા પર ચાલનારી પાર્ટી શિવસેના હવે સેકુલર શબ્દના નારા સાથે મહારાષ્ટ્રમાં ગઠબંધન સરકાર ચલાવવા જઇ રહી છે. પ્રેસ કોન્ફરન્સ દરમિયાન જ્યારે શિવસેનાને સાવરકર અને હિન્દુત્વના મુદ્દે સવાલ પૂછવામાં આવ્યો તો એકનાથ શિંદેએ કહ્યું કે જે આ કૉમન મિનિમમ પ્રોગ્રામનો ભાગ નથી તેના વિશે સવાલ ન પૂછવામાં આવે. એવું કહેતા શિવસેના નેતાએ હિન્દુત્વથી જોડાયેલ સવાલ ટાળી દીધું. આ પહેલા સાવર કરને લઇને કોંગ્રેસ અને શિવસેનાનું અલગ સ્ટેન્ડ સાર્વજનિક છે.