મહારાષ્ટ્ર / વિધાનસભાનું વિશેષ સત્ર: ધારાસભ્યોની થઈ શપથવિધિ, સુપ્રિયા સુલે અજિત પવારને ગળે મળ્યાં

• મહારાષ્ટ્રમાં હવે ઠાકરેની સરકાર
• ઉદ્ધવ ઠાકરે નવા મુખ્યમંત્રી હશે
• આજે વિધાનસભાનું વિશેષ સત્ર

દેવેન્દ્ર ફડણવીસે ધારાસભ્ય પદના શપથ લીધા
મહારાષ્ટ્રના વિધાનસભાના વિશેષ સત્રમાં પૂર્વ મુખ્યમંત્રી દેવેન્દ્ર ફડણવીસે ધારાસભ્ય પદના શપથ લીધા. ફડણવીસ બાદ છગન ભૂજબળ, અજિત પવાર, જયંતિ પાટિલ, બાલાસાહેબ થોરાટ સહિત અન્ય ધારાસભ્યોએ શપથ લીધા.

સુપ્રિયાએ ગળે લગાવી અજિત પવારનું સ્વાગત કર્યું

વિધાનસભાના વિશેષ સત્રને લઇને ધારાસભ્યો જ્યારે વિધાનસભા પહોંચી રહ્યા છે ત્યારે NCP નેતા સુપ્રિયા સુલે વિધાનસભામાં બધાનું સ્વાગત કરી રહ્યાં છે. ત્યારે સૌથી પહેલા આદિત્ય ઠાકેરનું ગળે લગાવી સ્વાગત કર્યું. આ દરમિયાન જ્યારે અજિત પવાર પહોંચ્યા ત્યારે સુપ્રિયા સુલેએ અજિત પવારનું પણ ગળે લગાવી સ્વાગત કર્યું. 

ઉલ્લેખનીય છે કે મંગળવારની રાત્રે જ રાજ્યપાલે ઉદ્ધવ ઠાકરેને મુખ્યમંત્રી તરીકે નિયુક્ત કરી દીધા હતા.