નિવેદન / અનિલ દેશમુખની ધરપકડ પર શરદ પવારે ભાજપને આપી ધમકી, કહ્યું દરેક દિવસ, દરેક કલાકની કિંમત વસૂલીશું

• અનિલ દેશમુખના દરેક દિવસ અને દરેક કલાકની કિંમત જરુર વસૂલીશું- પવાર 
• અમારા સહયોગિઓને સત્તાનો દુર ઉપયોગ કરી હેરાન કરવામાં આવી રહ્યા છે- પવાર
• બદલાનું રાજકારણ થઈ રહ્યું છે પવાર

અનિલ દેશમુખના દરેક દિવસ અને દરેક કલાકની કિંમત જરુર વસૂલીશું- પવાર 

શરદ પવારે મોદી સરકાર પર નિશાન સાધતા કહ્યું કે NCP હોય, કોંગ્રેસ હોય કે શિવસેના અમારા સહયોગિઓને વિભિન્ન સરકારી એજન્સીઓનો દુર ઉપયોગ કરી હેરાન કરવામાં આવી રહ્યા છે.   શરદ પવારે કેન્દ્ર પર નિશાન સાધતા કહ્યું કે હું એમ કહી રહ્યો છું કે તમે ગમે તેટલા છાપા મારી લો ગમે તેટલા અરેસ્ટ કરી સો, અમે જનતાનો સાથ લઈને મહારાષ્ટ્ર રાજ્યમાં ક્યારેય નહીં આવવા દઈએ. તમારે સૌ ટકા હારનો સામનો કરવો પડશે. હું કહી રહ્યો છું  કે તમે અનિલ દેશમુખને જેલમાં નાંખ્યા છે. તેમના દરેક દિવસ અને દરેક કલાકની કિંમત આજ કે કાલમાં જરુર વસૂલીશું.

બદલાનું રાજકારણ થઈ રહ્યું છે પવાર

પવારે કહ્યું કે બદલાનું રાજકારણ થઈ રહ્યું છે. સત્તાનો ઉપયોગ સન્માન સાથે કરવો પડે છે. પરંતુ લોકોના પગ જમીન પર નથી અને સત્તા માથે ચઢી બોલી રહી છે. આ જે કંઈ થઈ રહ્યું છે તેનું પરિણામ ભોગવવું પડી શકે છે. 

પવારે આગળ કહ્યું કે અનિલ દેશમુખનો જ મામલો જોઈલો. જે અધિકારીએ આરોપ લગાવ્યો છે તેને ફરાર ગણાવી દેવામાં આવ્યો છે. કયાં ગાયબ છે ખબર નહીં. કયા દેશમાં છે ખબર નહીં. સમન્સ છે પણ હાજર નથી થઈ રહ્યો.   અનિલ દેખમુખ આજે જેલની અંદર છે. આ મુખ્ય કારણ છે કે કેન્દ્રના સત્તાના દુરઉપયોગ, કેટલાક લોકોએ આને ધંધો બનાવી દીધો છે. પૂર્વ સીએમ ફડણવીશ પર નિશાન સાધતા કહ્યું કે સત્તા હાથમાંથી જતા રહેવાથી કેટલાક લોકો અસ્વસ્થ છે. દર રોજ કેન્દ્રને લિસ્ટ મોકલે ચે અને માંગ કરે છે કે તપાસ કરો.

પવારે કહ્યું અમારા સહયોગિઓને હેરાન કરવામાં આવી રહ્યા છે

શરદ પવારે કહ્યું એકનાથ ખડસે ભાજપમાં હતા. તે NCPમાં સામેલ થયા. તેમની પત્નીને ઈડીએ બોલાવ્યા. પછી મામલા નોંધવામાં આવ્યા. આ લોકો શિવસેનાના સંજય રાઉતની વિરુદ્ધ કંઈ ન કરી શક્યા તો તેમની પત્નીને બોલાવી, નિવેદન લીધું અને હેરાન કરી.  અજીત પવારની વિરુદ્ધ કંઈ ન કરી શક્યા. રાજ્ય સરકારને અસ્થિર કરવાનો પ્રયાસ કર્યો. મહારાષ્ટ્રના અલ્પસંખ્યક સમાજના મંત્રી હસન મુશ્રિફને ત્યાં પણ રેડ પાડી પરંતુ કંઈ ન મળ્યું. તેવા કેટલા ઉદાહરણ હું તમને ગણાવુ. મહારાષ્ટ્ર સરકાર પોતાના હાથમાંથી નીકળી તે તેમનાથી સહન ન થયું.