દેશમાં કોરોના મહામારી ફરી વાર પગપેસારો કરવા લાગી છે. મહારાષ્ટ્રમાં તેની સૌથી વધારે અસર જોવા મળી રહી છે.
મહારાષ્ટ્રમાં કોરોના પરના નવા પ્રતિબંધો બેઅસર
1 દિવસમાં કોરોનાના 30,535 કેસો
રાજ્યમાં કોરોનાના કેસોમાં કૂદકે ને ભૂસકે વધારો
મુંબઈમાં આજે કોરોનાના 3,779 કેસો નોંધાયા
કોરોનાએ મહારાષ્ટ્ર અને મુંબઈમાં અત્યાર સુધીના તમામ રેકોર્ડ તોડી નાખ્યાં છે. મહારાષ્ટ્ર આરોગ્ય વિભાગ દ્વારા જારી આંકડા અનુસાર છેલ્લા ચોવીસ કલાકમાં રાજ્યમાં કોરોનાના 30,535 કેસો નોંધાયા છે જે અત્યાર સુધીના સૌથી વધારે છે.
મહારાષ્ટ્રમાં કોરોના પરના નવા પ્રતિબંધો બેઅસર
મહારાષ્ટ્રમાં નવા પ્રકારના પ્રતિબંધો લગાડાયા હોવા છતાં પણ કોરોનાના કેસો વધી રહ્યાં છે. મહારાષ્ટ્રમાં કોરોનાના કુલ આંકડાઓ પર નજર દોડાવવામાં આવે તો અહીં કુલ કેસોની સંખ્યા 24,79,682 થઈ છે. કોરોનાને કારણે 53,399 લોકોના મોત થયા છે. મુંબઈમાં આજે કોરોનાના 3,779 કેસો નોંધાયા છે.
છેલ્લા 115 દિવસોમાં સૌથી વધારે કેસ
આરોગ્ય મંત્રાલયના આંકડા અનુસાર છેલ્લા 115 દિવસોમાં પ્રતિદિન સામે આવનાર કેસોમાં આ સર્વાધિક છે. સવારના આઠ વાગ્યા સુધીના આંકડા અનુસાર મહામારીથી 197 લોકોના મોત થયા છે જે પછી મૃતકોની સંખ્યા 1,59,755 પર પહોંચી ગઈ છે. આંકડામાં જણાવ્યાનુસાર અત્યાર સુધી 1,11,30,288 દર્દીઓ સાજા થયા છે અને મહામારીથી થનાર મૃત્યુ દર 1.38 ટકા છે. રવિવારે નોંધાયેલા કેસો આ વર્ષમાં એક દિવસમાં સૌથી વધારે કેસો છે. કેન્દ્રીય આરોગ્ય મંત્રાલય દ્વારા રવિવારે જારી કરાયેલા આંકડા અનુસાર, નવા દર્દીઓની સાથે દેશમાં કોરોનાના કેસો વધીને 1,15,99,130 થયા છે.