મહારાષ્ટ્રમાં કોરોનાની પ્રચંડ ત્રીજી લહેર શરુ થઈ છે. રાજ્યમાં હવે દૈનિક કેસનો આંકડો 40,000ને પાર પહોંચવા લાગ્યો છે. ત્યારે હવે કેટલાક નવા પ્રતિબંધોની વચ્ચે આજે રાજ્ય સરકારે નવી ગાઈડલાઈન્સ જારી કરીને પ્રતિબંધોમાં ફેરફાર કર્યાં છે. નવી ગાઈડલાઈન અનુસાર બ્યૂટી સલુનને વાળ કાપનાર સલૂનની સાથે જોડવામાં આવશે અને 50 ટકા ક્ષમતાની સાથે ખોલી શકાશે. જિમ 50 ટકા ક્ષમતાની સાથે ખોલી શકાશે. રાજ્ય સરકારે વેક્સિનના બન્ને ડોઝ લેનાર લોકોને જ આ સેવાઓનો ઉપયોગ કરવાની પરમિશન આપી છે. શનિવારે આ સેવા બંધ રાખવાનો આદેશ અપાયો છે. નવી ગાઈડલાઈન્સ પહેલાની જેમ 10 જાન્યુઆરીથી લાગુ પડશે.
Beauty saloons shall be grouped with hair cutting Saloons & shall be allowed to remain open with 50% capacity. Gyms are allowed to remain open with 50% capacity. Only fully vaccinated persons shall be allowed to use these services https://t.co/FytZcI5euR
આ ઉપરાંત આવશ્યક સેવાઓ સિવાય રાત્રે 11 વાગ્યાથી સવારના 5 વાગ્યા સુધી લોકોની અવરજવરને મંજૂરી આપવામાં આવશે નહીં, એમ સરકારી આદેશમાં જણાવાયું છે. ધોરણ 10 અને 12ના વિદ્યાર્થીઓ માટે જરૂરી પ્રવૃત્તિઓ અને શિક્ષકોની વહીવટી પ્રવૃત્તિઓ સિવાય શાળાઓ અને કોલેજો 15 ફેબ્રુઆરી સુધી બંધ રહેશે. કચેરીના વડાઓની લેખિત પરવાનગી વિના કોઈને પણ સરકારી કચેરીઓમાં પ્રવેશવા દેવામાં આવશે નહીં.
લગ્ન, ધાર્મિક, સામાજિક કે રાજકીય કાર્યક્રમોમાં માત્ર 50 લોકોને જ મંજૂરી
આ સાથે લગ્ન અને સામાજિક, ધાર્મિક, સાંસ્કૃતિક અથવા રાજકીય કાર્યક્રમોમાં લોકોની મહત્તમ મર્યાદા 50 નક્કી કરવામાં આવી છે. અંતિમ સંસ્કારમાં 20 થી વધુ લોકો ભાગ લઈ શકશે નહીં. સ્વિમિંગ પુલ, જીમ, સ્પા, વેલનેસ સેન્ટર અને બ્યુટી સલૂન સંપૂર્ણપણે બંધ રહેશે. હેર કટિંગ સલૂન 50 ટકા ક્ષમતા પર કામ કરશે.
રાજ્યમાં શનિવારે કોરોનાના નોંધાયા 41,434 કેસ
દેશમાં મહારાષ્ટ્ર ત્રીજી લહેરનું સૌથી વધારે પ્રભાવિત રાજ્ય છે. રાજ્યમાં દિનપ્રતિદિન કોરોનાના કેસમાં મોટો ઉછાળો આવી રહ્યો છે. શનિવારે કોરોનાના 41,434 કેસ નોંધાયા હતા.