ગુવાહાટી / કોઈ આરો ન રહેતા એકનાથ શિંદે હવે પહોંચ્યાં સુપ્રીમમાં, બે અરજી કરીને કરી મોટી માગ

• મહારાષ્ટ્રનું રાજકીય સંકટ સુપ્રીમમા પહોંચ્યું 
• એકનાથ શિંદેએ સુપ્રીમ કોર્ટમાં કરી 2 અરજી
• ડેપ્યુટી સ્પીકરની ગેરલાયકાતની નોટીસને પડકારી 
• કહ્યું- અમારી સામેની નોટીસ ખોટી, કોર્ટ દખલ આપે

મહારાષ્ટ્રની રાજકીય લડાઈ હવે સુપ્રીમ કોર્ટ સુધી પહોંચી ગઈ છે. શિવસેનાના બાગી ધારાસભ્ય એકનાથ શિંદેના નેતૃત્વમાં સુપ્રીમ કોર્ટમાં બે અરજી દાખલ કરવામાં આવી છે. અરજીમાં બળવાખોર ધારાસભ્યોએ ગેરલાયકાતની કાર્યવાહી શરૂ કરવાની નોટીસને પડકારી છે.  અરજીમાં શિંદેને શિવસેના વિધાનસભા પક્ષના નેતા અને ચીફ વ્હિપ તરીકે બદલવા માટે વિધાનસભામાં અન્ય કોઈ ધારાસભ્યની નિમણૂકને પણ પડકારવામાં આવી હતી. એટલે કે, ડેપ્યુટી સ્પીકરના અધિકારક્ષેત્રના અતિક્રમણને મુદ્દો બનાવવામાં આવ્યો છે. 

Rebel Shiv Sena MLA Eknath Shinde approaches Supreme Court against the disqualification notices issued by the Dy Speaker against rebel Maharashtra MLAs. Plea also challenges the appointment of Ajay Chaudhary as the Shiv Sena's legislative leader in the House in place of Shinde. pic.twitter.com/KOBBj6RSiJ

— ANI (@ANI) June 26, 2022

શિંદે જૂથના ધારાસભ્યો સુપ્રીમ કોર્ટ પહોંચ્યા
એકનાથ શિંદે અને 15 ધારાસભ્યોએ સુપ્રીમ કોર્ટમાં અરજી દાખલ કરી છે. શિંદે જૂથ વતી દાખલ કરવામાં આવેલી અરજીમાં વિધાનસભ્યોએ કહ્યું છે કે શિવસેના વિધાનમંડળ દળના બે તૃતીયાંશથી વધુ સભ્યો અમારું સમર્થન કરે છે. આ હકીકતથી સંપૂર્ણ વાકેફ હોવા છતાં, ડેપ્યુટી સ્પીકરે 21 જૂને પાર્ટીના વિધાનસભા પક્ષના નવા નેતાની નિમણૂક કરી હતી. 

રોજ ધમકીઓ મળી રહી છે, અમારા જીવને જોખમ 
એકનાથ શિંદેએ ડેપ્યુટી સ્પીકરની નોટિસને સંપૂર્ણપણે ગેરકાયદેસર અને મનસ્વી ગણાવી હતી. અરજીમાં કહેવામાં આવ્યું છે કે નોટિસ બાદ તેમને અને તેમના અન્ય સહયોગીઓને રોજ ધમકીઓ મળી રહી છે. તેમના જીવને જોખમ છે. અરજીમાં વધુમાં કહેવામાં આવ્યું છે કે, સામા પક્ષ (શિવસેના)એ પોતાના નિવાસ/પરિવારના સભ્યોમાંથી સુરક્ષા હટાવી લીધી છે એટલું જ નહીં, પરંતુ પાર્ટીના કાર્યકર્તાઓને ભડકાવવાના વારંવાર પ્રયાસો કરવામાં આવી રહ્યા છે. અરજીમાં એમ પણ કહેવામાં આવ્યું છે કે અરજદારના કેટલાક સાથીઓની સંપત્તિને પણ નુકસાન થયું છે. તેમના જીવને ગંભીર ખતરો છે.

Maharashtra political crisis: Vacation bench of SC to hear Eknath Shinde's plea against disqualification notice on Monday

— Press Trust of India (@PTI_News) June 26, 2022

સુપ્રીમની વેકેશન બેન્ચ શિંદેની અરજી પર સુનાવણી કરશે 
સુપ્રીમ કોર્ટની વેકેશન બેન્ચ આવતીકાલે શિંદેની અરજી પર સુનાવણી કરે તેવી સંભાવના છે.