IPLIN
 

ભારે વરસાદ / VIDEO : મહારાષ્ટ્રમાં મેઘરાજાનું રૌદ્ર સ્વરૂપ, આખું ચિપલૂન શહેર પાણીમાં ગરકાવ, ભયંકર દ્રશ્યો

Team VTV 05:11 PM, 22 Jul 21 | Updated: 05:27 PM, 22 Jul 21
Follow us
maharashtra rain chiplun flood

શહેરના ઘણા વિસ્તારો ડૂબી ગયા હતા. બસ ડેપો પણ સંપૂર્ણપણે ડૂબી ગયો.

મુંબઈ અને તેની આસપાસના વિસ્તારોમાં રેડ અલર્ટ જાહેર કરવામાં આવ્યું હતું અને છેલ્લા 24 કલાકમાં મહારાષ્ટ્રના અમુક જિલ્લાઓમાં જળબંબાકારની સ્થિતિ સર્જાઈ હતી. સમગ્ર રાજ્યમાં વરસાદનો કહેર ચાલુ જ છે. વરસાદને કારણે ઘણા શહેરોમાં રેડ એલર્ટ જાહેર કરવામાં આવ્યું છે. મુંબઈ સહિત મધ્ય મહારાષ્ટ્રમાં ઓરેન્જ એલર્ટ જાહેર કરવામાં આવ્યું છે. આ સાથે જ હવામાન વિભાગ દ્વારા મુંબઈમાં ત્રણ દિવસ સુધી વરસાદની આગાહી જાહેર કરવામાં આવી છે. હવામાન વિભાગના એલર્ટને લઈ મુખ્યમંત્રી ઉદ્ધવ ઠાકરેએ ગુરુવારે અધિકારીઓ સાથે બેઠક કરી હાઇ એલર્ટ પર રહેવાનું કહ્યું છે. 

 

મહારાષ્ટ્રના ચિપલૂન શહેરમાં તો પૂર આવ્યું હતું. ઘર અને શહેરના બધા જ માર્ગો પર પાણી ફરી વળ્યું હતું. શહેરનો બસ ડેપો પણ પાણીમાં ગરકાવ થઈ ગયો હતો. 

2005માં પણ મુંબઇમાં આ પ્રકારે પૂર આવ્યું હતું, જેમાં 450 લોકોના મૃત્યુ થયા હતા. આ વિડિયોમાં દેખાઈ રહ્યું છે કે આખું શહેર પાણીમાં ગરકાવ થઈ ગયું છે. 

શહેરના ઘણા લોકોએ લગભગ બીજા ફ્લોર પર રહી આ વિડીયો શેર કરી રહ્યા છે. લગભગ બધા જ ઘરોમાં પહેલો ફ્લોર પાણીથી ભરાઈ ગયો છે. 

 

ટ્રાન્સપોર્ટેશનની બસો પણ પાણીમાં ગરકાવ થઈ ગઈ હોય તેવા દ્રશ્યો જોવા મળ્યા છે. હાલ ત્યાં NDRFની ટીમ પણ કાર્યરત છે. 

 

 

Maharashtra Mumbai CHIPLUN Water flooded મહારાષ્ટ્ર પૂર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ