મહારાષ્ટ્રના ડેપ્યુટી સીએમ દેવેન્દ્ર ફડણવીસ અને પૂર્વ સીએમ ઉદ્ધવ ઠાકરે વિધાનસભા બહાર એક સાથે ચર્ચા કરતા દેખાયા હતા.
મહારાષ્ટ્રના રાજકારણનું સૌથી રોચક દ્રશ્ય
ડે. સીએમ દેવેન્દ્ર ફડણવીસ અને પૂર્વ સીએમ ઉદ્ધવ ઠાકરે એક સાથે દેખાય
મતભેદ છે પણ મનભેદ નહિ! તેવો ઘાટ સર્જાયો
મહારાષ્ટ્રના રાજકારણનું સૌથી રોચક દ્રશ્ય સામે આવ્યું છે. જેમાં મહારાષ્ટ્ર વિધાનસભા બહાર ડેપ્યુટી સીએમ દેવેન્દ્ર ફડણવીસ અને પૂર્વ સીએમ ઉદ્ધવ ઠાકરે એક સાથે જોવા મળ્યા હતા. બન્ને ગુફ્તગુ કરતા જોવા મલ્યા હતા. જેથી મતભેદ છે પણ મનભેદ નહિ! તેવો ઘાટ સર્જાયો હતો.
#WATCH | Maharashtra Deputy CM Devendra Fadnavis and former CM Uddhav Thackeray were seen having a conversation on their way to Vidhan Sabha today. pic.twitter.com/NXrTs2jJag
આ મામલે ઉદ્ધવ ઠાકરેએ કહ્યું જણાવ્યું હતું કે અમે વિધાનસભા બહાર એકબીજા સાથે સામાન્ય મુલાકાત કરી હતી. જેમાં માત્ર હાઈ, હેલો કરી અને એક બીજાના હાલચાલ પૂછ્યા હતા. એક બીજાને અભિનંદન પણ ન આપી શકીએ? આ સાથે ક ઠાકરેએ જણાવ્યું હતું કે અગાઉની રાજનીતિ નિખાલસ હતી. હવે બંધ બારણે યોજાતી મિટિંગ જ મહત્વપૂર્ણ માનવામા આવી રહી છે. જેથી આ પ્રકારની મિટિંગ યોજાશે તો હું જરૂર જાણ કરીશ! મહત્વનું છે કે આ મિટિંગ દરમિયાન ઉદ્ધવ ઠાકરેના પુત્ર આદિત્ય પણ હાજર હતા.
2019ની વિધાનસભા ચૂંટણી બાદ સબંધ ખાટા થયા
દેવેન્દ્ર ફડણવીસ અને પૂર્વ સીએમ ઉદ્ધવ ઠાકરે, વિધાન પરિષદના સભ્ય ઠાકરે મરાઠી ભાષા વિભાગની બેઠકમાં આવ્યા હતા. આપને જણાવી દઈએ કે 2019ની વિધાનસભા ચૂંટણી બાદ શિવસેના અને ભારતીય જનતા પાર્ટી વચ્ચેના નાતામાં ખટાશ આવી હતી અને ત્યારથી ફડણવીસ અને ઠાકરે એક બીજાના રાજકીય દુશમન બની ગયા હતા. આવી સ્થિતિમાં બંને એકસાથે દેખાતા રાજકારણમા ચર્ચા જાગી છે.