મહારાષ્ટ્રના યવતમાલમાં વર્કશોપમાં હેલિકોપ્ટર બનાવી રહેલા યુવકના માથા પર પંખાની બ્લેડ પડવાથી તેનું મોત થયું. આ ઘટના મંગળવારે મોડી રાતે મહાગાવ તાલુકાના ફુલસાવંગી ગામમાં બની.
8 પાસ યુવકે બનાવ્યું મુન્ના હૅલિકૉપ્ટર
ચાલુ કરતાની સાથે જ એવું બન્યું કે નીપજ્યું મોત
હેલિકોપ્ટરના ટેસ્ટિંગ સમયે બની દુર્ઘટના
પોતાના સપનાને સાકાર કરવા માટે મહારાષ્ટ્રના યવતમાલના યુવકે પોતે હેલિકોપ્ટર બનાવ્યું. હેલિકોપ્ટરના ટેસ્ટિંગના સમયે મંગળવારે રાતે એક દુઃખદ ઘટના બની જેમાં યુવકનું દુર્ઘટનાના કારણે મોત થયું. હેલિકોપ્ટરના ટેસ્ટિંગના સમયે પંખો તૂટ્યો અને યુવકના માથા પર પડ્યો અને તેનું મોત થયું. આ ઘટનાથી હડકંપ મચ્યો અને સાથે પરિવારમાં માતમ છવાયું.
મળતી માહિતિ અનુસાર યુવકની ઓળખ મહાગામ તાલુકાના ફુલસાવંગી નિવાસી શેખ ઈસ્માઈલ ઉર્ફ મુન્ના હેલિકોપ્ટરના રૂપમાં થઈ છે. 24 વર્ષનો ઈસ્માઈલ એક સુંદર હેલિકોપ્ટર બનાવી રહ્યો હતો. તેઓએ હેલિકોપ્ટરનું નામ મુન્ના હેલિકોપ્ટર રાખ્યું હતું. આ માટે 2 વર્ષથી તેને બનાવવા માટે મહેનત કરી રહ્યો હતો. ઘીરે ધીરે તેનું સપનું પૂરું થવાના આરે હતું. આ સપનાએ તેનો જીવ લીધો.
અચાનકથી આવ્યો હેલિકોપ્ટર બનાવવાનો વિચાર
ઘર ચલાવવા માટે ઈસ્માઈલ દિવસે વેલ્ડિંગની દુકાનમાં કામ કરતો અને રાતે પોતાનું હેલિકોપ્ટર બનાવતો. હેલિકોપ્ટરનું કામ પૂરું થયું અને તેના ટેસ્ટિંગ સમયે દુર્ભાગ્યથી ઈસ્માઈલનું મોત થયું. ઘરના લોકોએ કહ્યું કે ઈસ્માઈલ જ્યારે ઘરમાં હતો તો તે કબાટ, કૂલર જેવા અલગ અલગ સાધનો બનાવતો. ઈસ્માઈલે આઠમા ધોરણ સુધીનો અભ્યાસ કર્યો હતો. એક દિવસ અચાનકથી તેણે હેલિકોપ્ટર બનાવવાનું નક્કી કર્યું અને પોતાના સપનાને પૂરું કરવા યાત્રા શરૂ કરી.
કેવી રીતે બની ઘટના
2 વર્ષના પ્રયાસ બાદ તેનું સપનું 11 ઓગસ્ટ 2021ના રોજ પૂરું થવાનું હતું. 10 ઓગસ્ટની રાતે તેણે હેલિકોપ્ટરનું ટ્રાયલ શરૂ કર્યું એન્જિન જમીન પર શરૂ થયું અને એન્જિન 750 એમ્પીયર પર ચાલી રહ્યું હતું. આ બધુ સારી રીતે ચાલુ થયું પણ અચાનક હેલિકોપ્ટરનો પાછળનો પંખો તૂટી ગયો અને મુખ્ય પંખા સાથે અથડાયો. આ પછી પંખો ઈસ્માઈલના માથામાં વાગ્યો અને તેનું સપનું વ્યર્થ બન્યું. પંખો માથામાં વાગતા જ તેનું મોત થયું હતું.