રાજનીતિ / મહારાષ્ટ્રમાં રાજ ઠાકરે એ બનાવી પોતાની કેબિનેટ, દિકરા અમિતને આપ્યું આ મંત્રાલય

• રાજ ઠાકરેએ પુત્ર અમિત ઠાકરેને બનાવ્યા પ્રવાસન મંત્રી
• ઉદ્ધવ ઠાકરેએ પણ પોતાના પુત્ર આદિત્ય ઠાકરેને બનાવ્યા હતા મંત્રી
• મહારાષ્ટ્ર સરકારમાં આદિત્ય ઠાકરે પ્રવાસન મંત્રી છે 

મહારાષ્ટ્ર સરકારમાં આદિત્ય ઠાકરે પ્રવાસન મંત્રી છે. હવે અમિત ઠાકરે પોતાના પિતરાઇ ભાઇ આદિત્ય ઠાકરેના કામકાજ પર નજર રાખશે અને રાજ્યમાં પ્રવાસનના વિકાસ માટે નીતિઓ નક્કી કરશે. 

રાજ ઠાકરેએ 9 માર્ચે પાર્ટીના 14માં સ્થાપના દિવસ પર શેડો કેબિનેટનું ગઠન કરવાની જાહેરાત કરી અને પોતાના પુત્રને પ્રવાસન મંત્રી, કાયદા અને ન્યાય મંત્રી બનાવવાની જાહેરાત કરી. 

મુખ્યમંત્રી ઉદ્ધવ ઠાકરે અને રાજ ઠાકરે વચ્ચે પ્રતિસ્પર્ધા જુની છે. બાલા સાહેબ ઠાકરેના સમય દરમિયાન રાજ ઠાકરે ક્યારેક શિવસેનાના કદાવર નેતા મનાતા હતા. જોકે, રાજકીય મહત્વાકાંક્ષાના ટકરાવમાં બંને ભાઇઓના રસ્તાઓ અલગ થઇ ગયા. ત્યારબાદ 9 માર્ચે 2006એ રાજ ઠાકરેએ મહારાષ્ટ્ર નવનિર્માણ સેના નામથી અલગ પાર્ટી બનાવી લીધી હતી.