મહારાષ્ટ્ર / કોઈ કોઈનું નથી રે ! ઉદ્ધવ ઠાકરે માટે જાહેરમાં રડ્યા, વિશ્વાસમતમાં ઠેકડી મારી સામે પક્ષે બેસી ગયા !

• મહારાષ્ટ્રમાં આજે ફ્લોર ટેસ્ટમાં એકનાથ શિંદેએ બહુમત મેળવ્યો
• ઉદ્ધવ ઠાકરેને લાગ્યો મોટો ઝટકો
• ઉદ્ધવ માટે જાહેરમાં રડનારા ધારાસભ્ય શિંદે જૂથમાં બેસી ગયા

મહારાષ્ટ્રના મુખ્યમંત્રી એકનાથ શિંદેનો વિધાનસભામાં ફ્લોર ટેસ્ટ થાય તેની એક રાત પહેલા ઠાકરે ટીમ સાથે જોડાયેલા શિવસેનાના વધુ એક ધારાસભ્ય શિંદે જૂથમાં સામેલ થઈ ગયા હતા. જ્યારે શિંદે પાસે પહેલાથી નિશ્ચિત બહુમત હતો. શિંદે સાથે ગયેલા સંતોષ બાંગડ લગભગ એક અઠવાડીયા પહેલા ઉદ્ધવ ઠાકરેના સમર્થનમાં જાહેરમાં રડ્યા હતા.

સંતોષ બાંગડ કાલે મોડી રાતે મુંબઈની એ હોટલમાં પહોંચ્યા હતા, જ્યાં નવા મુખ્યમંત્રી એકનાથ શિંદે પોતાના સમર્થકો સાથે રોકાયા હતા. બાંગડ સત્તાવાર રીતે શિંદેના જૂથમાં પહોંચી ગયા હતા. એકનાથ શિંદએ શિવસેનામાં બળવો કરીને ઉદ્ધવ ઠાકરેના નેતૃત્વવાળી સરકાર પાડી દીધાના થોડા દિવસ બાદ આસાનીથી બહુમત મેળવી લીધો હતો.

आज मतदारसंघांमध्ये परत आल्यानंतर उपस्थित शिवसैनिकांना संबोधित करताना अश्रू अनावर झाले....शेवटच्या श्वासापर्यंत आदरणीय शिवसेना पक्षप्रमुख #उद्धव_ठाकरे साहेबा सोबत. @ShivSena @AUThackeray pic.twitter.com/loMHpUI4cL

— आमदार संतोष बांगर (@santoshbangar_) June 24, 2022

ગત 24 જૂને જ્યારે ઉદ્ધવ ઠાકરેના ધારાસભ્યો એકનાથ શિંદેના બળવાખોર જૂથમાં સામેલ થતાં રોકવા માટે લડી રહ્યા હતા, ત્યારે સંતોષ બાંગડે ઉદ્ધવ ઠાકરેના સમર્થનમાં હાથ જોડીને પોતાના મત વિસ્તારમાં લોકોને સંબોધન કર્યું અને રડવા લાગ્યા હતા, જેનો વીડિયો પણ વાયરલ થયો હતો.

વીડિયોમાં બાંગડ ઠાકરે પ્રત્યે પોતાની નિષ્ઠાના આંસૂ વહાવી રહ્યા હતા. તેમણે પાર્ટીમાં થયેલા બળવાને વિશ્વાસઘાત કહ્યો હતો. અને એકનાથ શિંદેને પાછા આવવા માટે વિનવણી કરી હતી. તેમની બાજૂમાં બેઠેલા એક સમર્થકે રૂમાલ લઈને તેમના આંસૂ લૂછ્યા હતા.