પોલીસ સ્ટેશનમાં એક વ્યક્તિ બેગ લઈને દાખલ થયો અને કહ્યું તેની પાસે જે બેગ છે તેમાં બોમ્બ છે.
પોલીસ સ્ટેશનમાં આવીને યુવકે આપી બેગ
બેગ આપી કહ્યું આમા બોમ્બ છે
પોલીસે પુછપરછ કરતા સામે આવી હકીકત
મહારાષ્ટ્રના નાગપુરમાં સ્થિત નંદનવન પોલીસ સ્ટેશનના કર્મચારીઓ એ વખતે ચોંકી ઉઠ્યા જ્યારે પોલીસ સ્ટેશનમાં બેગ લઈને આવેલા એક શખ્સે કહ્યું કે આ બેગ તમે રાખી લો. તેમાં બોમ્બ છે અને તે બેગ તેને એક કોલેજની પાસે લાવારીસ હાલતમાં મળી હતી. આ ઘટના શનિવાર સાંજની છે. 25 વર્ષીય આ વ્યક્તિનું નામ રાહુલ પગાડે જણાવવામાં આવ્યું.
યુવકે પુછપરછમાં સ્વીકારી આ વાત
યુવકે પોલીસ પુછપરછમાં સ્વીકાર કર્યો કે તેણે યુટ્યુબ પર વીડિયો જોઈને તેણે જાતે જ પેટ્રોલ બોટલ અને બેટરીની મદદથી બોમ્બ તૈયાર કર્યો છે. જોકે અધિકારીઓએ તેની આતંકવાદીઓ સાથે સંડોવણી હોવાનો ઈનકાર કર્યો છે. પોલીસે અધિકારીને જણાવ્યું કે પગાડે પુછપરછ વખતે જણાવ્યું કે વીડિયો જોઈને તેણે બોમ્બ બનાવવાનું શીખ્યું છે. તેમાં તેણે અમુક વસ્તુઓની મદદ લીધી પરંતુ પગાડેને ડર લાગ્યો અને તેણે આ વિસ્ફોટક પોલીસને સોંપવાનો નિર્ણય કર્યો.
કોઈને નુકસાન કરવાના ઈરાદે ન હતો બનાવ્યો બોમ્બ
પોલીસ અધિકારીઓનું કહેવું છે કે પગાડેનો બોમ્બ લગાવવાનો કે કોઈને નુકસાન પહોંચાડવાનો ઈરાદો ન હતો. તે એક સલૂનમાં કામ કરે છે. અને શહેરના સાઈબાબા નગર વિસ્તારમાં ભાડાના મકાનમાં રહે છે. તેના માતા-પિતાની મોત થઈ ચુકી છે અને ત્રણેય બહેનોના લગ્ન થઈ ચુક્યા છે. આ વીડિયોને જોઈને તેણે બોમ્બ બનાવવાતા શીખ્યું પરંતુ જ્યારે તૈયાર થયો તો તેને ડર લાગ્યો અને તેણે તે વિસ્ફોટક પોલીસને સોંપવાનો નિર્ણય કર્યો.
પોતાના નિવેદનમાં પગાડેએ જણાવ્યું કે તેને બોમ્બની બેગ કેડીકે કોલેજની પાસેથી મળી પરંતુ તેના આ નિવેદન પર પોલીસને શંકા જતા કડક પુછપરછ કર્યા બાદ તેણે પોતે જ બોમ્બ બનાવ્યો હોવાની જાણકારી આપી. પગાડે વિરૂદ્ધ કેસ દાખલ કરવામાં આવ્યો છે.