Coronavirus / ખાનગી સહિત સ્ટાફના 14 લોકો કોરોના પોઝિટિવ આવતા આ રાજ્યના આવાસ મંત્રી ક્વોરન્ટાઈન

• મંત્રીના ખાનગી સુરક્ષાકર્મી સહિત 14 સ્ટાફ ક્વોરોના પોઝિટિવ
• જિતેન્દ્ર અવ્હાડ પણ સેલ્ફ ક્વોરન્ટાઈન થયા
• મહારાષ્ટ્રમાં ઝડપથી ફેલાઈ રહ્યો છે કોરોના વાયરસ

એનસીપી નેતા જિતેન્દ્ર અવ્હાડે સોમવારે એ માહિતી આપી હતી કે તે એવા વ્યક્તિના સંપર્કમાં આવ્યા છે. જે પછીથી પોઝિટિવ નિકળ્યો હતો. આ બાદ તેનણે સેલ્ફ ક્વોરન્ટાઈન કરવાની જાહેરાત કરી છે. 

આ દરમિયાન તેમના ખાનગી સ્ટાફના રિપોર્ટ પોઝિટિવ આવ્યા છે. જેમાંથી કેટલાય લોકો તેમના બંગલામાં કામ કરે છે.  જિતેન્દ્ર અવ્હાડ ઠાણે જિલ્લેના કાલવા -મુંબ્રા વિધાનસભાનું પ્રતિનિધિત્વ કરે છે. છેલ્લા કેટલાક અઠવાડિયામાં આ વિસ્તારમાં અનેક લોકો પોઝિટિવ આવ્યા છે.

એક ન્યૂઝ એજન્સીના સૂત્રો દ્વારા મળતી માહિતી મુજબ જિતેન્દ્ર છેલ્લા કેટલાક દિવસ પહેલા એક પોલીસ અધિકારીના સંપર્કમાં આવ્યા હતા. કોરોનાને લીધે ક્વોરન્ટાઈન થયેલા આ રાજ્યના પહેલા મંત્રી છે.  તેમણે પોતાના કાર્યક્ષેત્રના લોકોને ઘરમાં રહેવા અપીલ કરી છે.  ઉલ્લેખનીય છે કે સોમવારે મહારાષ્ટ્રમાં 352 નવા કેસ સામે આવ્યા. જેનાથી અહીં સંખ્યા 2334 થઈ ગઈ છે.