બ્રેકિંગ ન્યુઝ
Last Updated: 05:49 PM, 15 January 2025
Navi Mumbai Accident : મહારાષ્ટ્રના નવી મુંબઇમાં તલોજા MIDC વિસ્તારમાં અકસ્માતની ઘટના સામે આવી છે. વિગતો મુજબ રસ્તા પર જતા બે રાહદારીઓને કાર ચાલકે અડફેટે લીધા હતા. અકસ્માતમાં એકનું મોત એક ગંભીર રીતે ઘાયલ છે. મહત્વનું છે કે, મહીલા અને એક પુરુષ રસ્તા પર જઇ રહ્યા તે સમયે આ ઘટના બની હતી. આ તરફ રસ્તા પર પુર ઝડપે દોડતી કારે ટક્કર મારતા બંન્ને હવામાં ફંગોળાયા હતા. જે બાદમાં એકનું મોત થયું છે. નોંધનીય છે કે, સમગ્ર ઘટના સીસીટીવી કેમેરામાં કેદ થઇ છે.
ADVERTISEMENT
ADVERTISEMENT
નવી મુંબઈના તલોજા MIDC વિસ્તારમાં એક ભયાનક હિટ એન્ડ રન અકસ્માત થયો છે, જેમાં એક બેફામ કારચાલકે પોતાની કાર સાથે બે લોકોને કચડી નાખ્યા હતા. આ અકસ્માતમાં એક વ્યક્તિનું ઘટનાસ્થળે જ મોત નીપજ્યું હતું, જ્યારે અન્ય ગંભીર રીતે ઘાયલ થયા છે.
વધુ વાંચો : IIT મુંબઇથી અભ્યાસ, લાખોનું પેકેજ, તોય બધું પડતું મૂકી અભય બન્યા સંન્યાસી, કહાની રસપ્રદ
વીડિયોમાં જોવા મળી રહ્યું છે કે, એક મહિલા રોડની બાજુએ ચાલી રહી હતી અને એક યુવક પણ તે જ રસ્તે જઈ રહ્યો હતો. અચાનક પાછળથી એક કાર તેજ ગતિએ આવે છે અને બંનેને એટલી જોરથી ટક્કર મારે છે કે, તેઓ લાંબા અંતરે પડી જાય છે. આ અકસ્માતમાં 27 વર્ષીય લાલુ દાસનું ઘટનાસ્થળે જ મોત નીપજ્યું હતું, જ્યારે 44 વર્ષીય પ્રમિલા દાસને ગંભીર હાલતમાં હોસ્પિટલમાં દાખલ કરવામાં આવી હતી જ્યાં તે જીવન અને મૃત્યુ વચ્ચે લડી રહી છે. તલોજા પોલીસે હિટ એન્ડ રનના આરોપી કાર ચાલકની ધરપકડ કરી છે અને તેની પૂછપરછ ચાલુ છે.
સંકળાયેલા મુદ્દાઓ
વધુ વાંચો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.