મહારાષ્ટ્રના સ્વાસ્થ્યમંત્રી રાજેશ ટોપે કોરોના પોઝિટિવ આવ્યા છે. તેઓએ કહ્યું તેમની તબિયત સારી છે.
મહારાષ્ટ્રમાં વધ્યો કોરોના
સ્વાસ્થ્યમંત્રી રાજેશ ટોપે કોરોના પોઝિટિવ આવ્યા
અન્ય સાથી લોકોને રિપોર્ટ કરાવવા કહ્યું
મહારાષ્ટ્રમાં કોરોનાનો કહેર વધી રહ્યો છે ત્યારે સ્વાસ્થ્યમંત્રી રાજેશ ટોપે કોરોના સંક્રમિત આવ્યા છે. તેઓએ ટ્વિટ કરીને કહ્યું છે કે તેમની તબિયત સારી છે અને તેઓ ડોક્ટરની સલાહ લઈ રહ્યા છે. જે લોકો તેમના સંપર્કમાં આવ્યા છે તે ધ્યાન રાખે અને કોઈ પણ લક્ષણ દેખાય તો તરત ટેસ્ટ કરાવી લે.
Maharashtra Health Minister Rajesh Tope says he has tested positive for #COVID19.
ટોપેએ લખ્યું છે કે તેઓ કોરોનાને હરાવીને ફરીથી સેવામાં લાગી જશે. મહારાષ્ટ્રમાં ફરી એકવાર કોરોના માથું ઉચકી રહ્યો છે ત્યારે સીએમ ઉદ્ધવ ઠાકરેએ ઈમરજન્સી બેઠક બોલાવી છે. ઉલ્લેખનીય છે કે મહારાષ્ટ્રમાં 24 કલાકમાં 5400થઈ વધુ કેસ આવ્યા છે.
રવિવારે અહીં 3 જિલ્લાએ જાહેર કર્યું લોકડાઉન
મહારાષ્ટ્રમાં રવિવારે કેસ વધવાના કારણે અમરાવતી, અકોલા અને યવતમાલમાં લોકડાઉન જાહેર કરાયું છે. આ 3 જિલ્લામાં શનિવારે રાતે 8 વાગ્યાથી સોમવાર સવાર સુધી લોકડાઉન રહેશે.
ગુરુવારે મુંબઈમાં પણ કોરોના ગાઈડલાઈન જાહેર કરાઈ છે. અહીં છેલ્લા 24 કલાકમાં 736 કેસ આવ્યા છે. બીએમસીએ નવા નિયમોના અનુસાર આદેશ આપ્યા છે કે 5થી વધારે કેસ વાળી બિલ્ડિંગને સીલ કરાશે. અહીં લગ્ન અને સાર્વજનિક ઉત્સવોમાં 50થી વધુ લોકોના ભેગા થવા પર કેસ થશે.