ભારતમાં કોરોના વાયરસના કેસમાં વધારો થયો છે. દેશના અત્યાર સુધીના 15 રાજ્યોમાં કુલ 117 કેસ સામે આવ્યા છે. કેન્દ્ર સરકાર તરફથી કેટલીક સાવધાની રાખવામાં આવી રહી છે. એક ડર્ઝનથી વધારે રાજ્યોમાં સ્કુલ, કોલેજ , ફિલ્મ થિયેટર બંધ કરવામાં આવ્યાં છે.
રવિવારે પ્રધાનમંત્રી નરેન્દ્ર મોદીએ કોરોના વાયરસને પહોંચી વળવા માટે સાર્ક દેશો સાથે એક સાથે આવ્યા અને સાથે મળીને એક્શન પ્લાન બનાવ્યો. દુનિયામાં કોરોના વાયરસના કારણે અત્યાર સુધીમાં 6 હજાર સોકોના મોત થઈ ચૂક્યા છે. જ્યારે ભારતમાં 2 લોકોના મોત નિપજ્યા છે.
દર્દીઓની સંખ્યા વધીને 117 થઈ
દેશમાં કોરોના વાયરસનો આંકડો વધી રહ્યો છે. આ સંખ્યા વધીને 117 થઈ ગઈ છે. આમાંથી 2 લોકોના મોત નિપજ્યા છે. જ્યારે 13 લોકો સાજા થઈ ગયા છે. સોમવારે મહારાષ્ટ્રમા 4 નવા કેસ સામે આવ્યા છે. મહારાષ્ટ્રમાં કુલ પોઝિટિવ કેસ 37 થયા છે. જ્યારે ઓડિશામાં એક કેસ સામે આવ્યો છે.
દિલ્હીમાં દરેક જગ્યાએ ડિસ્પેન્સર લાવાશે
દિલ્હીના મુખ્યમંત્રી અરવિંદ કેજરીવાદની અધ્યક્ષતા વાળા ટાસ્ક ફોર્સને આજે મહત્વનો નિર્ણય લીધો છે. કોરોનાને પહોંચી વળવા માટે સમગ્ર દિલ્હીમાં હાથ ધોવા માટે ડિસ્પેન્સિંગ મશીન લગાવવામાં આવશે. તમામ ડિસ્ટ્રિક્ટ મજિસ્ટ્રેટ અને અસડીએમ પોતાના વિસ્તારમાં 100 ડિસ્પેન્સિંગ મશીન લગાવશે. નગર નિગમના ડેપ્યૂટી કમિશ્નર પોતાના વિસ્તારમાં 300 ડિસ્પેન્સિંગ મશીન લગાવશે. માર્કેટ, બસ ડેપો, બસ સ્ટેન્ડ, ઓટો સ્ટેન્ડ અને દરેક ભીડ ભાડવાળી જગ્યાએ હાથ ધોવા માટે ડિસ્પેન્સર લગાવાશે.
ગ્રુપ ઓફ મિનિસ્ટર્સની મીટિંગમાં શરુ
સ્વાસ્થ્ય મંત્રી હર્ષ વર્ધનની આગેવાનીમાં ગ્રુપ ઓફ મિનિસ્ટર્સની મિટિંગ શરુ ઓફ મિનિસ્ટર્સની મિટિંગ શરુ થઈ ગઈ છે. બેઠકમાં કેન્દ્રીય મંત્રી હરદીપ પુરી, વિદેશ મંત્રી એસ. જયશંકર સહિત કેટલાય મંત્રાલયના અધિકારીઓ હાજર રહ્યા છે.
અત્યાર સુધીમાં કુલ 6515 લોકોના મોત થયા છે
વિશ્વના 157 દેશોમાં કોરોના વાયરસ પહોચ્યો છે ત્યારે અત્યાર સુધીમાં કુલ 6515 લોકોના મોત થયા છે. ગઈકાલે ઈટાલી દેશમાં 368 લોકોના મોત થયા હતા. કોરોનાથી ઈરાન દેશમાં વધુ 113 લોકોના મોત નીપજ્યા છે. તો સ્પેનમાં વધુ 96 લોકોના મોત, ફ્રાંસમાં 36, અમેરિકામાં 11, ઈંગ્લેડમાં 14 લોકોના મોત થયા છે. નેધરલેંડમાં 8, જાપાનમાં 2, ઓસ્ટ્રેલિયામાં 2 લોકોના મોત તો ફિલિપીન્સમાં 4, હંગેરીમાં 1, ચીનમાં 14 લોકોના મોત, યુરોપમાં હાલ સુધીમાં 2000 લોકોના મોત થયા છે. ભારતમાં કોરોના વાયરસના કુલ 112 કેસ નોંધાયા છે. ઉલ્લેખનીય છે કે ગઈકાલે કોરોના વાયરસના વધુ 12 કેસ સામે આવ્યા હતા.