મહારાષ્ટ્ર અને હરિયાણા ચૂંટણી પરિણામો બાદ પીએમ નરેન્દ્ર મોદી અને બીજેપી ચીફ અમિત શાહે બંને રાજ્યોની જનતાનો આભાર વ્યક્ત કર્યો છે. પીએમે ટ્વિટ કરી બંને રાજ્યોની જનતાનો આભાર વ્યક્ત કર્યો. શાહે ટ્વિટ કરી મહારાષ્ટ્રની જનતાને અભિનંદન કર્યું છે. નોંધનીય છે કે મહારાષ્ટ્રમાં બીજેપી-શિવસેના ગઠબંધન સરકાર બનાવવા જઇ રહી છે.
મહારાષ્ટ્ર અને હરિયાણા ચૂંટણી પરિણામો બાદ PM મોદી અને અમિત શાહનું સંબોધન
PM મોદી અને અમિત શાહે બંને રાજ્યોની જનતાનો આભાર વ્યક્ત કર્યો
પીએમ મોદીએ કહ્યું કે, હરિયાણામા ફરી જીતીને આવવુ અભૂતપૂર્વ
મહારાષ્ટ્ર-હરિયાણા ચૂંટણી પરિણામ પર પીએમ મોદીએ બંને રાજ્યોની જનતાનો આભાર વ્યક્ત કરતા ટ્વિટ કરી કહ્યું, અમે રાજ્યના વિકાસ માટે પૂરી તન્મયતાથી કામ કરતા રહીશું. હું હરિયાણાના મહેનતી કાર્યકર્તાઓનો આભાર વ્યક્ત કરુ છું.
દિલ્હી ખાતે ગૃહમંત્રી અમિત શાહ બાદ વડાપ્રધાન નરેન્દ્ર મોદીએ પણ કાર્યકર્તાઓને સંબોધન કર્યું. વડાપ્રધાન નરેન્દ્ર મોદીએ કહ્યું કે, મહારાષ્ટ્ર-હરિયાણાના કાર્યકર્તાઓને જીત માટે અભિનંદન પાઠવ્યા. તેમણે મહારાષ્ટ્ર-હરિયાણાની જનતાને પણ અભિનંદન પાઠવ્યા. તેમણે કહ્યું કે, મહારાષ્ટ્રમાં ભાજપ જુનિયર પાર્ટનર રહેતું હતું. દિવાળી પહેલા લોકોએ ભાજપ પર વિશ્વાસ મુક્યો. હરિયાણામાં 'સૌનો સાથ, સૌનો વિકાસ' પર કામ કર્યું. બીજેપી શિવેસેના ગઠબંધન પર લોકોએ ભરોસો મુક્યો.
પીએમ મોદીએ કહ્યું કે, હરિયાણામા ફરી જીતીને આવવુ અભૂતપૂર્વ છે. તેમણે કહ્યું કે, બંને રાજ્યોને ગત વખતે નવા સીએમ મળ્યા હતા. મહારાષ્ટ્રમાં ગઠબંધને ફરી ભારે બહુમતી મેળવી. આવનારા દિવસોમાં બંને રાજ્યો વિકાસની નવી ઉંચાઇ એ પહોંચશે. હરિયામાં ફરીથી મોટો પક્ષ બનીને આવવું મોટી વાત છે. મહારાષ્ટ્રમાં 50 વર્ષમાં એક પણ સરકાર 5 વર્ષ પૂર્ણ નથી કરી શકી.
વડાપ્રધાને મહારાષ્ટ્ર ચૂંટણી પરિણામો પર કહ્યું, મહારાષ્ટ્રની જનતાએ એનડીએને બહુમતી આપી છે. અમે તેના માટે આભારી છીએ કે, અમને ફરીથી જનતાનું સમર્થન મળ્યું છે. મહારાષ્ટ્રના વિકાસ માટે અમારું કામ ચાલુ રહેશે.
દિલ્હીમાં અમિત શાહે ચૂંટણી પરિણામો બાદ સંબોધન કર્યું. અમિત શાહે કહ્યું કે, બંને રાજ્યોમાં આપણો વિજય થયો. બંને રાજ્યોમાં ભાજપની સરકાર બનવા જઇ રહી છે. અમિત શાહે કહ્યું કે, મહારાષ્ટ્રમાં પૂર્ણ બહુમત સાથે સરકાર બનશે.
અમિત શાહે ટ્વિટ કરી કહ્યું કે, બીજેપી-શિવસેના ગઠબંધનમાં વિશ્વાસ પ્રકટ કરવા માટે મહારાષ્ટ્રની જનતાનો કોટિ-કોટિ અભિનંદન. મોદીના નેતૃત્વમાં મહારાષ્ટ્ર સરકાર સતત પ્રદેશની પ્રગતિ તથા સેવા માટે સમર્પિત રહેશે. મુખ્યમંત્રી દેવેન્દ્ર ફડણવીસ અને તમામ કાર્યકર્તાઓને અભિનંદન.