Coronavirus / કોરોના વિરુદ્ધ ભારત માટે મોટું હથિયાર બની શકે છે આ રસી, રિસર્ચમાં પરિણામો મળ્યાં સારા

• મુંબઇમાં 90 વર્ષ જુની એક દવા પર રિસર્ચ કરાઇ રહ્યું છે, કોરોના વિરુદ્ધ સકારાત્મક પરિણામ મળ્યા
• મુંબઇના પરેલ સ્થિત હાફકિન ઇન્સ્ટીટ્યૂટમાં આ દવા પર રિસર્ચ કરાઇ રહ્યું છે

મુંબઇના પરેલ સ્થિત હાફકિન ઇન્સ્ટીટ્યૂટમાં આ દવા પર રિસર્ચ કરાઇ રહ્યું છે. આ વેક્સીન BCG એટલે કે Bacillus Calmette Guerin છે. આ વેક્સીનને બનાવવામાં 1908થી 1921 વચ્ચે 13 વર્ષનો સમય લાગ્યો હતો. ફ્રેન્ચ બેક્ટીરિયાલૉજિસ્ટ અલ્બર્ટ કાલ્મેટ અને કેમિલ ગુરીને મળીને તેને બનાવી હતી. અત્યાર સુધીમાં BCGનો ઉપયોગ ટીબીના દર્દીઓ માટે કરવામાં આવતો હતો. પરંતુ પરિણામ સારા રહ્યા તો કોવિડ 19 ના વિરુદ્ધ પણ આ વેક્સીન મોટુ હથિયાર બની શકે છે. 

હાફકિન ઇન્સ્ટીટ્યૂટના શોધકર્તા સતત તેના પર કામ કરી રહ્યા છે. સૂત્રોનું માનીએ તો અત્યાર સુધીની રિસર્ચમાં જે ટેસ્ટ કરાયા છે તે ખુબ જ સકારાત્મક છે. 

શરૂઆતમાં રિસર્ચમાં એ વા સામે આવી હતી કે BCG વેક્સીનનો ઉપયોગ જે લોકો કરતા આવ્યા છે, કોરોના સામે લડવામાં તેમના શરીરની ઇમ્યૂનિટી વધારે સારી છે. આ આધારે સંશોધનકર્તાઓનું માનવું છે કે બીમારીને પગલે જે લોકોએ આ વેક્સીનનું સેવન કર્યું છે, તે કોરોના વાયરસને હરાવવામાં વધારે મજબૂત છે. તેથી સંશોધનકર્તાઓનું માનવું છે કે આ વેક્સીન લોકોને આપવામાં આવે તો ન માત્ર કોરોનાના લક્ષણ ઘટવાની આશા છે પરંતુ તેની અસર પણ ઓછી થઇ શકે છે. જો કોઇને કોરોના વાયરસના ગંભીર લક્ષણ છે તો આ વેક્સીનથી તેમા ઘટાડો આવી શકે છે તથા દર્દીની હાલત સુધરી શકે છે. 

મેડિકલ એજ્યૂકેશન અને ડ્રગ્સ વિભાગના ડૉ. સંજય મુખર્જીએ જણાવ્યું કે હાફકિન ઇન્સ્ટીટ્યૂટે શરૂઆતી સ્ટડી કરી છે અને તેના પરિણામ સકારાત્મક આવ્યા છે. તેના આધારે આવી ઇન્સ્ટીટ્યૂટને ચિન્હિત કરી લેવામાં આવી છે જ્યાં આ વેક્સીન પર આગળની રિસર્ચ થઇ શકે. 

હવે આગળ શું?

એક તરફ જ્યાં વેક્સીન પર આગળ રિસર્ચ વધારે ઝડપી બનાવવાની તૈયારી કરાઇ રહી છે. ત્યારે હાફકિન ઇન્સ્ટીટ્યૂટ BCG વેક્સીનનો ઉપયોગ એ લોકો પર કરવાની યોજના બનાવી રહ્યું છે જે કોરોના સંક્રમણના શિકાર છે. 

આ વિશે ICMR અને ડ્રગ કન્ટ્રોલર ઓફ ઇન્ડિયાને પણ મહારાષ્ટ્ર સરકારની તરફથી પત્ર લખવામાં આવ્યો છે. મહારાષ્ટ્ર્ સરકારના ચીફ સેક્રેટરી અજય મેહતાએ BCG વેક્સીન પર આગળ વધવા માટે મંજૂરી માંગી છે જેથી તેનો ક્લિનિકલ ટેસ્ટમાં ઉપયોગ કરી શકાય.