રાજનીતિ / મહારાષ્ટ્ર સંકટ: હવે શિવસેનાનું બ્લડ પ્રેશર વધ્યું, બનાવી રહી છે પ્લાન B

• મહારાષ્ટ્રમાં સરકાર બનાવાને લઇને શિવસેનાનો 'B' પ્લાન
• ભાજપ સાથે બીજી વખત સરકાર બનાવાને લઇને ચર્ચાએ જોર પક્ડયું
• શિવસેનાએ પોતાનો એજન્ડા છોડાયા વગર એકલું ચાલવું જોઇએઃ કાર્યકર

NCP અધ્યક્ષ શરદ પવારના આ નિવેદન બાદ શિવસેનામાં પડદા પાછળ નેતાઓ વચ્ચે NCPને છોડી ભાજપ સાથે બીજી વખત સરકાર બનાવાને લઇને ચર્ચાઓ થઇ રહી હોવાની અટકળો તેજ બની ગઇ છે. 

શિવસેનાની અંદર આ અંગેની ચર્ચાઓ થઇ રહી હોવાની અટકળો વચ્ચે એક ધારાસભ્યએ કહ્યું કે શરદ પવારના નિવેદનથી મને આશ્ચર્ય થયું છે. શિવસેનાના ધારાસભ્યએ જણાવ્યું કે આપણી પાર્ટીએ રાહ જોવી જોઇએ અને NCP સુપ્રીમો સાથે જતા પહેલા 10 વખત વિચાર કરવો જોઇએ. 

મહારાષ્ટ્રમાં સરકાર બનાવાને લઇને રોજ ટ્વિટ કરી રહેલા સંજયરાઉતે આજેપણ ટ્વિટ કરી કહ્યું છે કે જો જિદંગીમાં કંઇક મેળવવું હોય તો રીત બદલો ઇરાદો નહીં... જય મહારાષ્ટ્ર.  આ ટવિટ આ વાતનો સંકેત આપી રહ્યું છેકે શિવસેના સરકાર બનાવવા માટે દરેક પ્રકારના વિકલ્પ પર આગળ વધવા તૈયાર છે. 

દક્ષિણ મુંબઇથી એક શિવસેનાના વરિષ્ઠ કાર્યકર્તાએ કહ્યું છે કે પાર્ટીએ કોંગ્રેસ-NCP સાથે ગઠબંધન ન કરવું જોઇએ અને જો ભાજપ સાથે સંબંધ સારા ન થાય તો એકલા ચાલવું જોઇએ. જો ભાજપ નહીં તો શિવસેનાએ પોતાનો એજન્ડા છોડાયા વગર એકલું ચાલવું જોઇએ. પાર્ટી જો સમાન વિચારધારાવાળા પક્ષ સાથે ન જવા ઇચ્છતી હોય તો તેને એકલા હાથે લડાઇ લડવી જોઇએ.