મહારાષ્ટ્ર / ઉદ્ધવ કેબિનેટની ફોર્મ્યુલા નક્કી, શિવસેના-NCP-કોંગ્રેસ વચ્ચે મંત્રાલયની વહેંચણીને લઇને સહમતિ!

• મહારાષ્ટ્રમાં સત્તાને લઇને ફોર્મ્યુલા નક્કી કરાઇ
• શિવસેના,NCP અને કોંગ્રેસ વચ્ચે મંત્રાલયની વહેંચણીને લઇને થઇ સમજૂતિ
• કોંગ્રેસે સ્પીકર પદનો કર્યો સ્વીકાર

જ્યારે મુખ્યમંત્રી પદ સિવાય શિવસેનાને પાસે શહેરી વિકાસ, હાઉસિંગ, સિંચાઇ, પરિવહન મળી શકે છે. જો કે હજુ શિક્ષા અને ઉદ્યોગ સાથે જોડાયેલા મંત્રાલયો પર સમજૂતિ થઇ નથી. 

મહારાષ્ટ્રમાં સત્તાને લઇને શિવસેના, NCP  અને કોંગ્રેસ વચ્ચે ડેપ્યુટી સીએમ અને સ્પીકર પદને લઇને ખેંચતાણ લાગે છે કે હવે પુરી થઇ ગઇ છે. સૂત્રોને મળતી જાણકારી મુજબ કોંગ્રેસ દ્વારા વિધાનસભા સ્પીકર પદનો સ્વીકાર કરવામાં આવ્યો છે અને હવે સીનિયર ધારાસભ્ય નાના પટોલે નામનો પ્રસ્તાવ પણ રાખવામાં આવ્યો છે. 

કોંગ્રેસ પ્રદેશ અધ્યક્ષ અને ઉદ્ધવ ઠાકરે સાથે કેબિનેટ મંત્રીની શપથ લેનાર બાલાસાહેબ થોરાટે કહ્યું કે નાના પટોલે ને સ્પીકર માટે ઉમેદવાર બનાવાનો નિર્ણય લેવામાં આવ્યો છે.