અનલોક 5ની ગાઈડલાઈન્સના આધારે મહારાષ્ટ્રમાં સોમવાર એટલે કે આવતીકાલે 5 ઓક્ટોબરથી રેસ્ટોરાં, હોટલ અને ફૂડ કોર્ટ ખૂલશે. આ કારણે મહારાષ્ટ્ર સરકારે ખાસ ગાઈડલાઈન જાહેર કરી છે. તેનાથી સંક્રમણનો ખતરો ઘટશે. ઉલ્લેખનીય છે કે 50 ટકાના આધારે આ તમામ ફૂડ કોર્ટ, રેસ્ટોરાં અને હોટલ ચાલુ કરાશે.
મહારાષ્ટ્ર સરકારનો મોટો નિર્ણય
આવતીકાલથી શરૂ થશે હોટલ, રેસ્ટોરાં અને ફૂડ કોર્ટ
સરકારે જાહેર કરી છે ખાસ ગાઈડલાઈન, ઘટશે સંક્રમણ
આ નિયમોનું કરવાનું રહેશે પાલન
જ્યારે પણ હોટલ, રેસ્ટોરાં કે ફૂડ કોર્ટ ખોલાશે ત્યારે ગેટ પર ગ્રાહકોનું સ્ક્રીનિંગ કરાશે. તેમાં તાપમાન, તાવ, ઉધરસના લક્ષણો જાણી શકાશે. આવા લક્ષણો વાળા દર્દીને એન્ટ્રી અપાશે નહીં. માસ્ક પહેરવું દરેકને માટે ફરજિયાત રહેશે. ફક્ત ખાતી સમયે જ માસ્ક ઉતારી શકાશે. ગ્રાહકોએ સોશ્યલ ડિસ્ટન્સિંગનું ધ્યાન રાખવાનું રહેશે.
મહારાષ્ટ્ર સરકારે દરેક રેસ્ટોરાં, હોટલ વગેરેના ગ્રાહકોને વિશે જાણકારી રાખવાનું પણ કહ્યું છે. અહીં ગ્રાહકોના મોબાઈલ નંબર નોંધાશે. જેથી જો સંક્રમણ ફેલાય તો કોન્ટ્રાક્ટ ટ્રેસિંગ કરી શકાય.
આ સિવાય હેન્ડ સેનેટાઈઝર રાખવું પણ અનિવાર્ય રહેશે. બિલ પેમેન્ટ માટે ડિજિટલ વ્યવસ્થા કરવાનું કહેવાયું છે. જો કોઈ ગ્રાહક કેશમાં પેમેન્ટ કરે છે તો સાવધાની રાખવી જરૂરી રહેશે.