કોરોના વાયરસના હાહાકારને કારણે દેશવ્યાપી લોકડાઉનને પગલે બે મહિના કરતા વધારે સમયથી એન્ટરટેનમેન્ટ ઈન્ડસ્ટ્રી ઠપ થઈ ગઈ હતી. ત્યારે હવે દર્શકો માટે સારા સમાચાર છે. હકીકતમાં, મહારાષ્ટ્ર સરકારે ફિલ્મ, ટીવી સીરિયલ અને વેબ સીરિઝના શૂટિંગ માટે શરતો સાથે મંજૂરી આપી દીધી છે. હાલમાં જ મહારાષ્ટ્રના મુખ્યમંત્રી ઉદ્ધવ ઠાકરેની સાથે થયેલી બેઠકમાં ફિલ્મ, ટીવી સીરિયલના મેકર્સે શૂટિંગ શરૂ કરવા મંજૂરી આપવાની માંગ કરી હતી.
દર્શકો માટે આવ્યા સારાં સમાચાર
હવે ફિલ્મો અને ટીવીનું શૂટિંગ થશે શરૂ
મહારાષ્ટ્ર સરકારે આપી શરતી મંજૂરી
ફિલ્મ, ટીવી સીરિયલ અને વેબ સીરિઝની શૂટિંગ શરૂ કરતા પહેલા સંબંધિત વિભાગની મંજૂરી લેવી પડશે અને બધી ગાઈડલાઈન્સનું ફરજિયાત પાલન કરવાનું રહેશે. સાથે જ સોશિયલ મીડિયા ડિસ્ટન્સિંગ અને સાવચેતી સહિતના તમામ ઉપાયોનું પણ ધ્યાન રાખવાનું રહેશે.
મેકઅપ મેનને પીપીઈ સૂટ પહેરવા પડશે
મહારાષ્ટ્ર સરકારે ફિલ્મના સેટ પર 33 ટકા જ ક્રૂ મેમ્બર સાથે શૂટિંગ કરવાની મંજૂરી આપી છે. સાથે જ એક્ટર્સને મેકઅપ કરતાં પહેલાં મેકઅપ મેનએ પીપીઈ સૂટ પહેરવું ફરજિયાત છે. જ્યાં સુધી કોરોનાનો પ્રકોપ છે ત્યાં સુધી સેટ પર કોઈને પણ તપાસ કર્યાં વિના એન્ટ્રી આપવામાં નહીં આવે. એટલું જ નહીં સેટ પર નિયમિત સેનિટાઈઝેશન કરવું પડશે, માસ્ક, સોશિયલ ડિસ્ટન્સિંગ અને સફાઈનું સંપૂર્ણપણે ધ્યાન રાખવું પડશે. જ્યારે પ્રેગ્નેન્ટ મહિલાને સેટ પર એન્ટ્રી મળશે નહીં.
We met the CM Shri @uddhavthackeray ji last week. He promised to do his best for the entertainment industry. And here we are . Shootings set to restart, even before we imagined.
The industy can not thank you enough, Sir. The wait for fresh content is about to end. 🙏
ઉલ્લેખનીય છે કે, સીએમ ઉદ્ધવ ઠાકરેની સાથે થયેલી આ બેઠકમાં ફિલ્મમેકર નિતીન વૈદ્યએ જણાવ્યું હતું કે, કોરોના સંકટના કારણે ઈન્ડસ્ટ્રીને રોજનું કરોડોનું નુકસાન થઈ રહ્યું છે. એક અંદાજ મુજબ, માત્ર ટીવી ઈન્ડસ્ટ્રીમાં જ દર વર્ષે 30 હજારથી વધુ એપિસોડ્સનું નિર્માણ કરવામાં આવે છે. એવામાં ટીવી ઈન્ડસ્ટ્રી સાથે જોડાયેલા લોકો પણ બેરોજગારીનો સામનો કરી રહ્યાં છે.
ભાડામાં છૂટ આપવા પર થઈ રહ્યો છે વિચાર
ઉદ્ધવ ઠાકરેએ કહ્યું હતું કે, ફિલ્મ ઈન્ડસ્ટ્રી સાથે એક મોટા વર્ગનો રોજગાર જોડાયેલો છે, એટલે સરકાર પ્રોડક્શન હાઉસને ફિલ્મ સિટીમાં ભાડામાં છૂટ આપવા વિચાર કરી રહી છે. તેમણે એમ પણ કહ્યું હતું કે, શૂટિંગ અને પ્રોડક્શનની છૂટ માત્ર એ વિસ્તારોમાં જ અપાશે, જેને રેડ ઝોન જાહેર નથી કરાયા.